Elordada qala äkımı Äset İsekeşev Osaka qalasynyŋ merı Iosimuroi Hirofumi bastaǧan japon delegasiiasymen kezdestı. Kezdesude qala basşysy Osaka qalasynyŋ merımen yntymaqtastyq jaiyndaǧy mäselelerdı talqylady.
– Astana qalasynyŋ medisinalyq jäne jedel järdem qyzmetı avtomobilderınıŋ parkı, sumen jabdyqtau jüiesın jaŋǧyrtu, logistikalyq jelını jetıldıru syndy köptegen bırlesken nätijelı jūmystar jürgızıldı. Būl – japondyq taraptyŋ Astananyŋ damuyna qosqan az ǧana ülesı. Sızdıŋ bügıngı saparyŋyz qalalar arasyndaǧy ūzaq merzımdı serıktestıktıŋ kepılı bolaryna senımdımın, – dedı Äset İsekeşev.
Qazırgı taŋda köptegen elordalyq kompaniialar Kaidzen jüiesıne köşıp ärı dästürlı japon ashanasy bar meiramhanalar köptep aşyluda. Sonymen qatar, japon jekpe-jegınıŋ janküierlerı qalanyŋ köptegen sport zaldarynda şeberlıkterın synai alady. Qazaq-japon bailanysynyŋ damuyna ekı el basşylarynyŋ osydan ekı jyl būryn Astanada kezdeskenı sebep bolyp otyr. Esterıŋızde bolsa, Memleket basşysy Nūrsūltan Nazarbaev pen Japoniia premer-ministrı Sindzo Abenıŋ qatysuymen Qazaqstan-Japon biznes forumy ötken bolatyn. Atalǧan kezdesude Memleket basşysy japondyq ısker topty investisiialyq jobalarǧa qatysu üşın Qazaq elıne şaqyrǧan edı. Sondai bır maŋyzdy jobalardyŋ bırı retınde «EKSPO-2017» mamandandyrylǧan halyqaralyq körmesın aituǧa bolady.
– Ekı eldıŋ arasyn bailanystyratyn taǧy bır dälel – būl bızdıŋ beibıt ömır sürudegı ortaq ūstanymymyz jäne memleketter arasyndaǧy yqpaldastyq. Japoniia men Qazaqstan arasyn iadrolyq qaru mäselelerı boiynşa özara tüsınıstıkke negızdelgen tarihi täjıribe bırıktıretını sözsız, – dedı Äset İsekeşev Osaka qalasynyŋ merıne.
Būdan basqa, qala äkımı Astana men Osaka arasyndaǧy serıktestıktı odan ärı damytuǧa qyzyǧuşylyq tanytyp, Osakada tūrǧyzylǧan jasandy aral üstındegı «Kansai» halyqaralyq äuejaiy syndy qala qūrylysyndaǧy şeşımder boiynşa täjıribe almasuǧa şaqyrdy. Äsırese, turizm industriiasyn damytu boiynşa yqpaldastyqqa asa köŋıl bölınıp otyr. Mäselen, Osaka qalasyndaǧy tarihi bekınıs siiaqty Astanada da körıktı jerler qūru mäselesı, Universal Studio köŋıl köteru parkı, keluşıler arasynda asa tanymaldyqqa ie «Kaiukan» okeanariumy syndy erekşe jobalar mäselesı talqylandy.
– Astanada «EKSPO-2017» körmesın ötkızu qaladaǧy infraqūrylymdy odan ärı damytuǧa yqpal etedı, «jasyl» ekonomikaǧa köşuge mümkındık aşady, sondai-aq, jalpy eldıŋ ekonomikasy üşın quatty multiplikativtı nätije beredı. Osyndai maŋyzdy şaranyŋ ötkızıluı bızdıŋ ekı tarapty yqpaldastyǧymyzdyŋ tarihyna jaŋa serpın berıp, qalalar arasyn barlyq taraptan jaqyndastyra tüsetınıne kämıl senemın, – dedı Astana äkımı.
