Keşe ötken qalalyq mäslihattyŋ kezektı sessiiasy dünieden ozǧan asa körnektı qalamger, memleket jäne qoǧam qairatkerı, QR Eŋbek Erı Äbış Kekılbaevty bır minut ünsızdıkpen eske aludan bastaldy. Sessiianyŋ kün tärtıbınde on segız mäsele qaraldy. Sonyŋ eŋ auqymdysy – 2016-2020 jyldarǧa arnalǧan Astana qalasyn damytu baǧdarlamasynyŋ jobasymen qala äkımınıŋ orynbasary Andrei Lukin tanystyrdy.
Memleket basşysy Nūrsūltan Nazarbaev ūsynǧan «100 naqty qadam» Ūlt josparynda Astanany zertteuşılerdı, studentterdı, käsıpkerlerdı, barlyq öŋırlerden turisterdı tartatyn Euraziianyŋ ıskerlık, mädeni, ǧylymi ortalyǧyna, sondai-aq önırlık habqa ainaldyru jäne ömır süru sapasy jaǧynan älemdegı üzdık jüz qalanyŋ qataryna engızu maqsattaryn qoiǧanyn atap ötken A. Lukin būl baǧytta äkımdık halyqaralyq reitingtık kompaniialarymen bırlesıp, jūmys jürgızıp jatqanyn jetkızdı.
«Moody’s» agenttıgınıŋ zertteuınşe, aǧymdaǧy jyly Astanaǧa «Baa 3» reitingı berılıp, bas şaharymyz «tūraqty» degen boljamǧa ie boldy. Būl – elordada tartymdy investisiialyq ahual qalyptasqanyn bıldıredı.
«Qazırgı taŋda Astana Barselona, Stambul, Madrid, Riga qalalarymen bır satyda tūrsa, Milannan bır deŋgei tömen ornalasqan. «Smart sity» iaǧni «Aqyldy qala» reitingı boiynşa Astana älemde 21-şı oryndy ielenıp otyr. «Mercer» jäne «Ekonomist» agenttıkterınıŋ zertteu qorytyndylary Astana 2012-2014 jyldary densaulyq saqtau, bılım beru, äleumettık-mädeni qyzmet körsetu, kölık infraqūrylymynyŋ damuy salalary boiynşa damyǧan qalalardyŋ arasynda ortaşa deŋgeide tūrǧanyn anyqtady. Sondyqtan äkımdık el Ükımetımen bırlesıp, 2050 jylǧa qarai Astanany älemdegı üzdık 10 qalanyŋ qataryna engızu maqsatynda tūjyrymdama äzırlep, bekıttı. Būl tūjyrymdamany ıske asyrudyŋ alǧaşqy kezeŋınde, iaǧni 2020 jylǧa deiın Astanany zamanui jäne ömır süruge jaily megapoliske ainaldyrudyŋ negızı qalanady» dedı äkım orynbasary.
Onyŋ aituynşa, qaladaǧy biznes jäne qarjy sektoryndaǧy qyzmet körsetu ısınde ılgerıleu bar. Joǧary tehnologiialyq jäne ǧylymǧa negızdılgen öndırıs oşaqtary keşenınıŋ örısı de keŋeiıp jatyr. Sonymen qatar «aqyldy qala» tehnologiiasyn engızetın infraqūrylym da jasalǧan. Medisinalyq jäne ǧylymi-bılım beru baǧyttaryndaǧy klasterdıŋ damuy da baiqalady. Osynyŋ bärı bäsekelestıkke tötep beruge mümkındık beredı.
Alaida, olqylyqtar da joq emes. «Kölıktık-logistikalyq jüienıŋ damu körsetkışı mardymsyz. Tūrǧyn üi-kommunaldyq jelıler tozuynyŋ körsetkışı de joǧary. Qalada balamaly energiia közderı joq. Turizm salasyndaǧy jūmys ta köŋıl könşıtpeidı. Mädeniet salasyndaǧy qyzmet körsetu jaiy halyqaralyq standarttarǧa säikes kelmeidı. Qalanyŋ şetkerı aumaǧy men oǧan jalǧasatyn Aqmola oblysynyŋ aglomerasiiasy ekonomikalyq jäne infraqūrylymdyq jaǧynan olqy soǧyp tūr» degen baiandamaşy olqylyqtardy joiatyn jäne qalany damytuǧa negızdelgen alty negızgı baǧytty atap öttı. Olardyŋ qataryna ekonomika, äleumettık sala, qoǧamdyq qauıpsızdık, infraqūrylym, ekologiia jäne memlekettık qyzmet körsetu salalary kıredı. A. Lukin osylardyŋ barlyǧy qalai ıske asatynyn egjei-tegjeilı baiandady. Qorytyndysynda mäslihat deputattary ūsynylǧan qalany damytu baǧdarlamasynyŋ jobasyn qoldady.
Odan keiın Astana qalasynyŋ Ekonomika jäne biudjettık josparlau basqarmasynyŋ basşysy Janat Nūrpeiısov qalanyŋ 2016-2018 jyldarǧa arnalǧan biudjetımen tanystyrdy. Mäslihattyŋ tūraqty komissiialarynyŋ esebı tyŋdaldy. Bırqatar şeşımderge tolyqtyrular men özgerıster engızıldı.
Soŋynda mäslihattyŋ kelesı jylǧa arnalǧan jūmys jospary talqylanyp, är sessiiada aitylǧan syn pıkırler men ūsynystardyŋ oryndalu barysy qaraldy.
Amanǧali QALJANOV
