Qazpoşta – hat-habar taratu qyzmetımen bırge, uaqyt talap etetın banktık, agenttık jäne sandyq qyzmet türlerın jyldam ärı sapaly atqaratyn kompaniia. Kün saiyn halyqpen tyǧyz jūmys ısteitın äleumettık qūrylymǧa 30 jyl toldy. Bız eldegı ūlttyq operatordyŋ Astana qalasyndaǧy filialyna baryp, jūmysymen tanystyq.
Qazpoştanyŋ basty ǧimaratynan bızdı filial basşysy Baqytjan Malikova kütıp alyp, jol bastap, jūmysymen tanystyrdy.
– Astana qalasy boiynşa 17 oblystyq jäne 5 mamandandyrylǧan filialy bar. 700-den astam adam tūraqty jūmys ısteidı. Ortaşa jalaqy 276 myŋ teŋgenı qūraidy, – dedı ol.
Bügınde poşta toraby zamanaui talap-mındetterdı ūştastyryp, qyzmet aiasyn keŋeitıp keledı. Mäselen, elektrondy poşta arqyly hat-habarlardy qabyldap, jöneltetın gibridtı poşta, sälemdeme men halyqaralyq aqşa audarymyn jüzege asyratyn «Iýnistrim», jedeldetılgen hatty qabyldap, jetkızetın – EMS, jedeldetılgen aqşa audarymyn ıske asyratyn «Sälem teŋge» syndy jaŋa qyzmet türlerı ıske qosyldy.
– Būryn poşta filialdarynda ūzyn-sonar kezek bolatyn bolsa, transformasiia baǧdarlamasyn biznes-üderıstı oŋtailandyruǧa, qyzmet körsetu salasyn jaŋa tehnologiia arqyly avtomattandyruǧa jäne adam resursynyŋ sapaly özgeruıne baǧyttap, nätijesınde adamdardyŋ kezekke tūruy qysqardy. Būǧan onlain qyzmet türlerınıŋ de ıske qosyluy da äser ettı. Bügınde elektrondy sauda men logistikalyq qyzmet türın damytudyŋ amalyn jan-jaqty qarastyryp, innovasiialyq jäne joǧary tehnologiialy kompaniiaǧa ainalu baǧytynda jüielı jūmystar jürgızılude. Iаǧni halyqqa aqyl-keŋes beretın, servistık qyzmet körsetetın, kross-satylym jürgızetın bıregei ortalyqqa ainalady, – dedı Baqytjan Malikova.
«Qazpoşta» AQ-nyŋ aituly jaŋalyǧynyŋ bırı – postamat. Būl – avtomattandyrylǧan
poşta stansiiasy. Artyqşylyǧy 24/7 rejimınde jūmys ısteidı. Sälemdeme nemese banderol aluşyǧa poşta bölımşesıne baryp, kurerdı kütu qajet emes. Sebebı sälemdeme postamat arqyly tiıstı tūlǧaǧa avtomatty türde jetkızıledı. Būl qyzmet türın köbınese tauardy internet arqyly satyp aluşylar paidalanady. Kompaniia ǧalamtorsyz, kompiutersız, smartfonsyz aqşa audarymyn ūsynady. Iаǧni «Salem, Mobile» tölem qyzmetın qoldanǧysy kelgen adamda «Qazpoştaǧa» jäne qarjy qyzmetıne qosylǧan bank kartasy boluy kerek. Klient tölemdı kez kelgen ülgıdegı ūialy telefonmen oryndai alady.
– Ärine, bız üşın eŋ maŋyzdysy – tūtynuşylarǧa sapaly qyzmet körsetu. Qazır tūrǧyndar 1499 nömırıne habarlasyp, jedel aqparat alyp, ūsynysy men talap-tılegın jetkızuge mümkındıgı bar – dedı filial basşysy.
Filialdyŋ satu bölımınıŋ basşysy Läzzat Qonaqbaeva täulıgıne 24 saǧat boiy jūmys ısteitın arnaiy bölımge apardy. Ondaǧy qyz-kelınşekter taŋǧy 7.00-de jinalyp, gazettı köşe-köşe boiynşa sūryptap, tiıstı aumaǧyna gazettı jetkızuge asyǧyp jatyr eken. Eldıŋ basty gazetterı – «Egemen Qazaqstan», «Kazpravda», «Aqyn», «Lider», «Türkıstan» bar. Onyŋ ışınde, özımızdıŋ «Astana aqşamy» men «Vecherniaia Astana» basylymy közımızge ottai basyldy.
3 jyldan berı gazet pen hattardy sūryptauǧa mamandanǧan Elvira Ǧazizovanyŋ sözınşe, tüngı uaqyttan taŋ atqanşa jūmys qyza tüsedı. Sūryptauşylar gazettı sūryptaidy, sosyn taratuşylar tiıstı mekenjaiǧa asyǧady. Öitkenı ärbır poştaşynyŋ mındetı – baspadan kelgen gazet-jurnaldy uaqytyly oqyrmanǧa jetkızu.
– Gazet pen hattardy sūryptap, iesıne jetkızu – jauapty ıs. Tıptı adam amanatyn arqalaityn, ruhani jauapkerşılıgı auyr mındet deuge keledı. Kün saiyn myŋdaǧan gazettı bölıp, üi-üige jetkızu oŋai şarua emes. Özıŋız jaqsy bılesız, Astananyŋ aua raiy qūbylmaly: bır künderı aŋyzaq jel bolsa, bırde qatty ystyq bolady, keide omby qarǧa maltyǧyp jürıp gazet taratamyz. Solai bola tūra, «amanatty» tiıstı adreske jetkızıp, özımızdıŋ ortaq chatqa suretın jıberıp, ärıptesterım qyzmettı adal atqaryp jür, – dedı bas qalanyŋ oŋtüstık-şyǧys aimaǧyna gazet-jurnal taratatyn Şolpan Syzdyqova.
