22 jäne 23 qazanda «Han Şatyr» SOSO maŋyndaǧy aumaqta Soltüstık Qazaqstan oblysynyŋ «Öŋır berekesı» auyl şaruaşylyq önımderınıŋ järmeŋkesı ötedı. Elorda tūrǧyndary men qonaqtaryna öŋırdıŋ jäne oblys ortalyǧynyŋ 100-den astam auyl şaruaşylyǧy qūrylymdary men qaita öŋdeu käsıporyndarynyŋ önımderı qoiylady. Astanada 741 tonna auyl şaruaşylyǧy önımın satu josparlanǧan, sonyŋ ışınde: et jäne süt önımderı, balyq, jemıs jäne kökönıster, şūjyq önımderı, bal jäne t.b. bar. Järmeŋkege 100-den asa önım türlerı ūsynylady.
Järmeŋke aiasynda Soltüstık Qazaqstan oblysy şyǧarmaşylyq ūjymdarynyŋ ūiymdastyruymen konserttık baǧdarlama ūiymdastyrylady.
Būdan bölek, elorda tūrǧyndary men qonaqtaryna mazmūndy mädeni baǧdarlama daiyndalǧan. 18 qazanda saǧat 18:30-da M. Gorkii atyndaǧy memlekettık akademiialyq orys drama teatrynda körermender nazaryna N. Pogodin atyndaǧy oblystyq orys drama teatrynyŋ «Maǧjannyŋ soty» qoiylymy ūsynylady.
21 qazan künı saǧat 18:30-da Q. Quanyşbaev atyndaǧy Memlekettık akademiialyq qazaq muzykalyq drama teatrynda S. Mūqanov atyndaǧy qazaq muzykalyq-drama teatrynyŋ ärtısterı «Elım-ai» tarihi dastanynyŋ jelısınde «Dauylpaz baba – Qojabergen» spektaklın sahnalaidy.
Kışkentai körermender üşın «Jastar» saraiynda 19, 20, 21 qazan künderı saǧat 10:00, 12:00, 14:00-de oblystyq quyrşaq teatry «Äuele, dombyra!» spektaklın qoiady.
Balalar üiınıŋ tärbielenuşılerı üşın 21 qazan saǧat 10:00-de «Menıŋ dosym – baǧdarşam» atty qaiyrymdylyq qoiylymy körsetıledı.
20 qazan saǧat 11:00-de Astana qalasynyŋ memlekettık mūraǧatynda Soltüstık Qazaqstan oblystyq mūraǧatynyŋ ūiymdastyruymen «Soltüstıktıŋ bailyǧy: bıregei mūraǧat qūjattaryndaǧy tarih» körmesı ūiymdastyrylady. Is-şara aiasynda qala tarihy, oblys ortylyǧynyŋ ataqty tūlǧalary turaly «Petropavl qalasy» atty derektı film körsetıledı.
22 qazan saǧat 11:00-den bastap Beibıtşılık jäne kelısım saraiynda SQO-nyŋ mūrajailyq bırlestıgınıŋ ūiymdastyruymen «Tuǧan jerdıŋ tartylysy» körmesı, sondai-aq jergılıktı suretşılerdıŋ «Öŋır marjany» körme ekspozisiiasy ūiymdastyrylady. Osy jerde aǧaşty oiulau, qaiyŋ qabyǧynan jäne kiızden türlı būiymdar jasau siiaqty qoldanbaly öner türlerınen şeberlık därısterı ötedı.
22 qazan saǧat 11:00-de Ūlttyq kıtaphananyŋ körme zalynda S. Mūqanov atyndaǧy oblystyq kıtaphananyŋ «Soltüstık Esıl öŋırı örısı biık ölke» bezendırılgen kıtaptar körmesı ötedı.
22 qazan saǧat 17:00-de Beibıtşılık jäne kelısım saraiynda Soltüstık Qazaqstan oblysynyŋ üzdık şyǧarmaşylyq ūjymdarynyŋ «Maǧjan elınen-Elorda törıne» atty gala-konsertı ötedı.
astana.gov.kz
