– Astanaǧa 2022 jyly tamyzda keldım. Qazırgı taŋda Prezident saiabaǧynyŋ tura qasynda otbasymmen tūramyn. Şynymdy aitsam, būl elordadaǧy eŋ ädemı jer dep sanaimyn. Sebebı özen jaǧasynda, aǧaştardyŋ saiasynda otyryp demalǧanǧa ne jetsın?! Qalany kögaldandyrudyŋ maŋyzy zor, kez kelgen şahardyŋ sänı sol, osy jaǧynan Astanada aǧaştardy köptep otyrǧyzǧany ūnaidy. 10-15 jyldan keiın būl parkter odan saiyn qūlpyra tüsedı dep oilaimyn. Jalpy elordanyŋ özı älemdı taŋqaldyru maqsatynda salynǧan sekıldı. Degenmen qalada älde de adamdar üşın, otbasylar üşın jaily oryndar jetıŋkıremeidı. Sondai-aq qar qalyŋ tüsedı. Bızde Londonda qar az jauady. Salqynǧa üirendım, bıraq şaŋǧy tebe almaimyn. Astananyŋ qysy ūnaidy, sebebı künı şuaqty bolyp tūrady. Jūmystan bos uaqytta qalada, parkte seruendegendı ūnatamyn. Menıŋ ūlym parkterdegı syrǧanaqta oinaǧandy jaqsy köredı. Eŋ bastysy, auany tütınnen tazartu üşın gazdandyru jūmystary tolyq jüzege asyrylsa eken. Sebebı qazır kömır jaǧatyn üilerdıŋ tütınınen jäne kölıkterdıŋ auaǧa tastaityn qaldyqtarynan qaladaǧy aua sapasy asa jaqsy emes. Al adamdaryna kelsek, mūnda halyq öte meiırımdı, sypaiy. Keide taksige tapsyrys berıp, qalany aralaimyn, sol kezde de özımdı qauıpsız sezınemın. Astananyŋ 25 jyldyq mereitoiynda qalanyŋ odan ärı güldenıp, damyǧanyn tıleimın! Elorda tūrǧyndary men qonaqtary üşın astanada jaily, qolaily, qauıpsız ömır boluy kerek.
Keti LEChİ, Ūlybritaniianyŋ
Qazaqstandaǧy elşısı
