Jyldan jyl ūzaǧan saiyn sänıne sän, saltanatyna saltanat qosyp, özınıŋ asqaqtyǧy men aibyndylyǧyn asyryp bara jatqan Astana qalasy elımızdıŋ baitaǧy ǧana emes, sonymen qatar sport ortalyǧyna ainalyp keledı. Būl üşın biyl elordada 700 sport-būqaralyq şaralary ötkızıletının aitsaq ta jetkılıktı.
Elbasy Nūrsūltan Nazarbaev qalany damytu baǧdarlamasyna 2020 jylǧa qarai elordada sportpen şūǧyldanuşylar qatary jalpy tūrǧyndardyŋ 30 paiyzyn qūrau talabyn engızu jönınde tapsyrma bergen bolatyn. Endı sol baǧytta jūmystar jasalyp jatyr.Äkımdıktıŋ mälımetıne qaraǧanda, Astanada 2016 jyly jergılıktı tūrǧyndar men qonaqtardyŋ qatysulary negızınde 567 sporttyq-būqaralyq şaralar ötkızılgen. Al biylǧy ötetın 700 şara myŋdaǧan adamdy qamtityn bolady. Qazır qalada sportpen tūraqty türde 240 340 adam ainalysady. Būl – elordada tūratyn jalpy halyqtyŋ 24 paiyzyna teŋ körsetkış. Būl qatarǧa aptasyna ekı-üş ret sport zaldary men alaŋdaryna baryp tūratyndar sany engızılgen joq.
Qala bilıgı endı negızge salmaq pen nazardy sport nysandarynyŋ jastar men mektep oquşylary üşın qoljetımdı boluyna, olardyŋ basym bölıgı sportpen dostasuyna audaryp otyr.
Bügıngı taŋda Astana infraqūrylymynda 649 sport ǧimaraty men alaŋdary bar. Sonyŋ ışınde joǧary oqu oryndarynda 281 aula alaŋdary, 118 sport zaldary tırkelgen. Būl qaladaǧy jūrtşylyqtyŋ sport alaŋdary men basseinderge degen sūranysynyŋ 63 paiyzyn qūraitynyn bıldıredı.
Biylǧy mamyr aiynyŋ ortasynan bastap elordanyŋ bırneşe alaŋynda Fitness Park Astana qozǧalysynyŋ kezektı mausymy söreden şyqty. Şara şeŋberınde ärbır jeksenbı saiyn maman fitnes-nūsqauşylardyŋ qatysuymen jappai jattyǧular ötıp tūr. Astana tūrǧyndary men qonaqtary taŋerteŋ ortalyq parkte krossfit, ioga, djiu-djitsu jäne zumba biı sekıldı sabaqtar ötıp keledı. Al «Jerūiyq» saiabaǧynda krossfit pen zumba elementterı bar bır saǧattyq jalpy dene daiyndyǧy jattyǧuy ūiymdastyrylǧan.
Studentter saiabaǧynda da däl osy baǧdarlamanyŋ ekınşı nūsqasy jasalyp jatyr. Mūndaǧy artyǧy tek tai boksy bolsa kerek.Statistika derekterı boiynşa 2016 jyly astanalyq sportşylar respublikalyq jäne halyqaralyq jarystarda 1553 altyn, 1307 kümıs jäne 1507 qola – barlyǧy 4367 medal jeŋıp alǧan. Būl 2015 jylǧa qaraǧanda 484 medal artyq ekenın baiqatady. Demek, būl tūrǧyda da ösu bar.
Damir QOJAMQŪL
