Erteŋ elımızde sport künı atalyp ötıledı. Osy mereke qarsaŋynda Astana qalasynyŋ äkımdıgı elordalyq sportşy qauymyna qūrmet körsettı. Saltanatty jiyn barysynda elorda äkımınıŋ orynbasary Ermek Amanşaev astanalyq sportşylardyŋ, bapkerlerdıŋ, mamandardyŋ eŋbegıne baǧa berıp, bırqatar azamattarǧa arnaiy tösbelgıler tabys ettı.
Sport salasy qyzmetkerlerın qūrmetteu şarasynda Astana qalasy Mädeniet jäne sport basqarmasynyŋ basşysy Bolat Majaǧūlov ta elordalyq sportşy mamandardy töl merekelerımen qūttyqtap, qala tūrǧyndarynyŋ būqaralyq sportpen ainalysuyna eleulı eŋbek sıŋırıp jürgen mamandarǧa, jattyqtyruşylar qauymyna, eldıŋ abyroiy üşın synǧa tüsıp jürgen sportşylarǧa tabys tıledı. «Sızderdıŋ jetıstıkterıŋız elordamyzdyŋ mereiın ösıredı. Astana sportşylarynyŋ respublikalyq jäne halyqaralyq jarystardaǧy jeŋısterı şyn mänınde maqtanuǧa tūrady. Aldaǧy uaqytta da astanalyq märtebege sai biık tūǧyrlardan körıne berulerıŋe tılektespız» dedı basqarma basşysy.
Saltanatty jiyn soŋynda bır top sport ardagerlerıne, sportşylarǧa, mekeme basşylaryna, bapkerler men käsıbi mamandarǧa «Sergektık pen densaulyq» jäne «Şynyǧudy jetıldıru» tösbelgılerı, «Alǧys hat» saltanatty jaǧdaida tabys etıldı. Mereiı öskender arasynda Nikolai Driutov, Samat Qabdulin, Azamat İmanbaev, Aidyn Toqbaev, Quat Tılegenov, Azamat İmaşev, İrina Şetinina, Azamat Hamzin, Anastasiia Bibikova jäne basqa da elorda sportyn damytuǧa ülken üles qosyp jürgen mamandar boldy.
– Sportşylar qauymynyŋ eŋbegın baǧalap, osyndai qūrmet bıldırıp otyrǧan Astana qalasynyŋ äkımdıgıne alǧys aitqym keledı. Auyz toltyryp aitatyn jetıstıkterımız jetedı. Aldaǧy uaqytta elorda sportyn damytuǧa bailanysty köptegen jūmystar atqaryluy kerek. Osy oraida ärıptesterıme jemıstı eŋbek, jeŋıstı sätter tıleimın, – dedı Qazaqstannyŋ eŋbek sıŋırgen jattyqtyruşysy, sport ardagerı Nikolai Driutov.
