Elordada «EKSPO-2017» halyqaralyq mamandandyrylǧan körmesı aiasynda «Turizm jäne bolaşaq energiiasy: SO2 qaldyqtaryn azaitu» atty düniejüzılık konferensiiasy öttı. Auqymdy şarada söz söilegen mamandar Astananyŋ turistık äleuetıne jaqsy baǧa berıp, bırqatary elordanyŋ 2020 jylǧa qarai Euraziia keŋıstıgındegı eŋ tartymdy qalalardyŋ qataryna enetınıne senım bıldırdı.
Konferensiia BŪŪ Bükılälemdık turistık ūiymynyŋ halyqaralyq turizm jyly aiasynda ötkızıldı. Oǧan QR Premer-ministrınıŋ bırınşı orynbasary Asqar Mamin, «Astana EKSPO-2017» ŪK» AQ basqarma töraǧasy Ahmetjan Esımov, Bükılälemdık turistık ūiymnyŋ bas hatşysy Taleb Rifai, QR Mädeniet jäne sport ministrı Arystanbek Mūhamediūly jäne Astana qalasynyŋ äkımı Äset İsekeşev qatysty.
Basqosudyŋ qadırmendı qonaǧy, BTŪ bas hatşysy Taleb Rifai turizm men bolaşaq energiiasy arasynda qandai bailanys bar degen sūraqqa bylai dep jauap berdı:
– Qorşaǧan ortanyŋ lastanuyna turizm 5 paiyz ziian keltıredı. Būl – ülken körsetkış. Onyŋ 3-4 paiyzy kölık tasymaldaumen bailanysty bolsa, qalǧany qyzmet körsetu salasynyŋ äserınen bolyp otyr. Bızdıŋ mındet – kömırtek qaldyqtaryn azaitudy oilastyru, sebebı turizm klimattyq özgerısterge beiımdelıp otyruy kerek. Mäselen, turisterdıŋ süiıktı demalatyn ornyna ainalǧan Maldiv araldary men Venesiia syndy qalalar keleşekte su astynda qaluy ǧajap emes. Bükıl älem bolyp osyndai maŋyzdy mäselelerdı ortaǧa salyp, mamandarmen şeşımın tabuǧa tyrysyp jatyrmyz.
– Al Qazaqstanǧa keletın bolsaq, elorda – älemdegı eŋ jas astana, bolaşaǧy zor. Eldıŋ tabiǧaty men tarihy, mädenietı men dästürı, elordanyŋ taŋdai qaqtyrarlyq arhitekturasy turistık mümkındıkterge jol aşady. Sol turizm el ekonomikasyn tüzep, Qazaqstannyŋ saiasi sahnada öz ornyn aiqyndap aluyna kömektesuı tiıs. Şeteldıkter Qazaqstan jaily köp mälımetterdı bıle bermeidı.
Sondyqtan eldı brendke ainaldyryp, ony bükıl älemge paş etu sızderge jükteledı, – dep Taleb Rifai Qazaqstan turizmınıŋ damuy jönınde baǧyt-baǧdar berdı.
Ekı kün qatarynan konferensiia aiasynda qatysuşylar kömırtek qaldyqtaryn azaitu, turizm salasynyŋ damuyna üles qosu jäne bäsekege qabılettılıgın arttyru siiaqty mäselelerdı, sondai-aq, BŪŪ-nyŋ kün tärtıbınde qarastyrylǧan 2030 jylǧa arnalǧan turizmdı damytudyŋ basty mäselelerın talqylady.
Qala basşysy Äset İsekeşev elordada Forward kompaniiasymen bırıgıp turizmdı damytu boiynşa media-jospar äzırlengenı turaly jetkızdı. Qūjatta turizmdı damytudyŋ 3 negızgı baǧyty aiqyndalǧan: MICE (Meetings, Incentives, Conferences, Exhibitions) – ıskerlık turizm, qalanyŋ rekreasiialyq infraqūrylymy jäne medisinalyq turizm.
– Bızdıŋ aldymyzda 2020 jylǧa qarai Astanany Euraziia keŋıstıgındegı turister üşın eŋ tartymdy qala jasau mındetı tūr. Astana – türlı forumdar men sammitter, ıskerlık kezdesuler men mädeni-sporttyq şaralardy ötkızetın basty ortalyqtyŋ bırıne ainaluy tiıs. Ol üşın qalada barlyq infraqūrylym jasalǧan: äuejai, temırjol vokzaly, qonaqüiler men basqa nysandar qonaqtardy qarsy aluǧa saqadai-sai. Şeteldık turister sanyn jylyna 1 millionǧa deiın, al qazaqstandyq qonaqtardyŋ ülesın 2 millionǧa deiın jetkızudı josparlap otyrmyz.
Elordada 10 sporttyq, 20 zamanaui medisinalyq mekemeler jäne bırqatar bıregei säulet keşenderı salynǧan. Būl ǧimarattardyŋ jobasyn äzırleuge Norman Foster, Manfredi Nikoletti syndy älemdık säuletşıler tartylǧan. Elımızdıŋ turisterge barynşa tartymdy boluy üşın sport keşenderı men ruhani ordalardyŋ käsıbi basqaru ülgısın engızudı qolǧa aldyq. Būl nysandardy jylyna milliondaǧan turister baratyn mekenge ainaldyratynyna senemız, – dedı Äset İsekeşev.
Güldana TALǦATQYZY
