Astana-Taşkent: senımdı serıktes
Astana qalasynyŋ äkımı Baqyt Sūltanov Özbekstannyŋ Olii Mäjılısınıŋ zaŋ şyǧaru palatasy spikerı Nurdinjon İsmoilovpen kezdestı.
Kezdesude Qazaqstan men Özbekstan arasyndaǧy qarym-qatynastyq nyǧaiyp kele jatqandyǧy söz boldy. Keiıngı jyldary ekı el arasyndaǧy sauda-ekonomikalyq ärıptestık jaŋa deŋgeige köterılgen. Aitalyq, soŋǧy 9 aidyŋ ışınde ekı memleket arasyndaǧy tauar ainalymy 2 mlrd dollarǧa jetken. Elorda basşysynyŋ aituynşa, ötken jyly Astana men Özbekstan arasyndaǧy tauar ainalymy 288 mln AQŞ dollaryn qūraǧan. Onyŋ ışınde eksport – 174 mln, import – 114 mln AQŞ dollaryn qamtyǧan. Astana qalasynyŋ äkımı ekı el ükımetınıŋ kölık-logistika infraqūrylymyn damytuǧa qatysty qabyldanǧan qūjattar ekı taraptyŋ tauar ainalymyn odan ärı ūlǧaita tüsetınıne senım bıldırdı.
«Astana – älemdegı eŋ ädemı qalalardyŋ bırı. Qazaqstan Prezidentı Nūrsūltan Nazarbaevtyŋ
täuekelşıldıgınıŋ arqasynda osyndai äsem qala salyndy. Būl şahar maǧan da ūnaidy. Oǧan jel de, aiaz da kedergı keltırmeidı» dedı Nurdinjon
İsmoilov. Sonymen qatar spiker Qazaqstan Prezidentınıŋ «Ūly dalanyŋ jetı qyry» atty maqalasynan ülken äser alǧandyǧyn jetkızdı. Ol sondai-aq, öz sözınde Özbekstannyŋ bas şahary Taşkenttıŋ Astananyŋ eŋ bırınşı serıktesı bolǧanyn, osy jyly ekı el astanasynyŋ arasynda sauda-ekonomika, ǧylymi-tehnika jäne mädeni ärıptestık turaly uaǧdalastyqqa qol qoiylǧanyna 20 jyl tolǧandyǧyn atap öttı.