ASTANA ŪBT ÖTKIZUGE DAIYN
Ūlttyq bıryŋǧai test tapsyru kezınde tülekter qaperge aluǧa tiıstı bırqatar erejeler bar. Osy rette ŪBT ötkızu tärtıpterı turaly paraqşalar qaladaǧy barlyq mektep tülekterıne taratyldy. Sonymen bırge ata-analaryna da ŪBT tapsyrudy ūiymdastyru tübırtekterı ülestırıldı. Būl turaly Bılım basqarmasy Astana qalasy äkımı apparatynyŋ baspasöz qyzmetı arqyly mälımdedı.
ŪBT kezınde tülekterge qara jäne kök tüstı qalam, qaryndaş jäne öşırgış qoldanuǧa rūqsat etıledı. Al qoiu geldı qalam paidalanuǧa, emtihan materialyn rūqsatsyz aşuǧa jäne aiyrbastauǧa, oryn auystyruǧa, oqulyq, auditoriiaǧa şpargalka kırgızuge jäne paidalanuǧa, köşıruge, elektrondy qūrylǧylardy(kalkuliator, ūialy telefon), tüzetu sūiyqtyqtaryn paidalanuǧa tyiym salynady.
Ereje būzylǧan jaǧdaida tyiym salynǧan zattardy tabu aktısı jasalyp, tülek auditoriiadan şyǧarylady. Esterıŋızge sala keteiık, ŪBT jalpy orta bılım berudegı oqytu pänderı negızınde Ūlttyq testıleu ortalyǧy jasaǧan test tapsyrmalarynan tūrady. Är pän boiynşa 25 test tapsyrmasy bar. ŪBT tapsyruǧa är tülekke 3,5 saǧat uaqyt berıledı. ŪBT-ny qaita tapsyruǧa jol berılmeidı. Al nätijelerı 125 baldyq eseppen jäne jalpy orta bılım beru attestatyn alu üşın bes baldyq jüiede baǧalanady.
Eger ŪBT nätijesı testıleu qatysuşylaryn qanaǧattandyrmasa, olar appeliasiiaǧa bere alady. Appeliasiiaǧa beru tärtıbı men uaqyty ata-analar men tülekterge taratylǧan paraqşalarda körsetılgen.
Ötken jyldardaǧy täjıribe boiynşa ata-analar men qatysuşylardy künı būryn ŪBT ötkızu tärtıpterımen tanystyru dauly sūraqtardyŋ aldyn alady jäne meilınşe senımdı kırısuge ärı daiyndaluǧa mümkındık beredı.