Jiyrma jyl – adamzat tarihy üşın bır sät, al bızder, Astana tūrǧyndary, üşın būl merzım tarihtyŋ bır bet paraǧy ıspettes.
Bızdıŋ ūrpaqqa būiyrǧan tarihtyŋ ūmytylmas nesıbesı – būl babalarymyz armandap ötken el täuelsızdıgı men onyŋ bas şahary – Astananyŋ ǧajap qūrylysy jäne onyŋ älemdegı äsem qalaǧa ainaluy. Bügınde bız barşamyz keudemızdı kerıp tūryp maqtana alamyz: bız äsem Astananyŋ tūrǧyndarymyz dep. Keibıreuler üşın ertegı bolyp körınetın körınıs qalai bastalyp edı jäne sol kezde ūly köştıŋ basynda kımder tūrdy degen saual qoiyluy mümkın. Men sonyŋ kuäsı bolǧandyqtan körgen-bılgenderımdı oqyrmandarmen bölıseiın.
El astanasyn Almatydan Esıl öŋırıne köşıru kezınde men qaladaǧy №8 Aqmola peduchilişesınıŋ direktory bolatynmyn. Aqordany Almatydan Aqmolaǧa köşıru kezınde bızdıŋ peduchilişe ūjymy erekşe közge tüstı. Iаǧni bız Almatydan köşıp kelıp jatqan memleket qyzmetkerlerınıŋ bärın vokzaldan, äuejaidan qarsy alu bızge oŋaiǧa tüsken joq. Bır jaǧynan uchilişe tülekterınıŋ sabaqtardan qalmauyn eskersek, ekınşı jaǧynan Arqaǧa kelıp jatqan qyzmetkerlerdıŋ köŋıl küiıne qaiau tüsırmeu jaǧyn da oilastyru kerek boldy. Sol kezde bızge qol ūşyn berıp, jūmysymyzdy jeŋıldetuge järdem körsetken, bügınde esımderı bükıl elge tanymal azamattar – Ädılbek Jaqsybekov, Sansyzbai Esılov, Svetlana Jalmaǧambetovalardyŋ jūmystaryn erekşe ataǧym keledı.
Ekınşı maŋyzdy mäsele – kelgen adamdardy ornalastyru. Būl mäselenıŋ şeşıluıne bız de bır kısıdei atsalystyq. 360 oryndyq ülken jataqhanany tügeldei, ekınşı jataqhananyŋ ekı qabatyn Bılım ministrlıgınıŋ qyzmetkerlerı jatatyn üi retınde bosatyp berdık. Osyndai jauapty jūmys atqarǧanymdy maqtan etem. Öitkenı köşıp kelıp jatqan adamdar bötender emes, özımızdıŋ qandastarymyz, el täuelsızdıgı men onyŋ astanasyn körkeitıp, nyǧaitu üşın kelgen azamattar bolatyn. Olarǧa osyndai qyzmet körsetudı özıme paryz sanaimyn.
Elordanyŋ ösıp-örkendeuı bızdıŋ uchilişenıŋ damuyna da yqpal ettı. Būrynǧy peduchilişenıŋ därejesı özgerıp, ol endı respublika mektepterı men liseilerınıŋ bastauyş synyptaryna pedagog mamandar daiarlaudaǧy bırde-bır ozyq bılım beru oşaǧy – gumanitarlyq kolledjge ainaldy.
Elordany Almatydan Esıl öŋırıne köşıru kezınde pedagogikalyq ūjym būl şaraǧa belsene qatysty.Ozyq ülgımen salynǧan uchilişe jataqhanalary Almatydan Selinogradqa köşıp kelgen memlekettık qyzmetkerlerdıŋ baspanasy bolǧanyn qazırde ekınıŋ bırı bıle bermeidı.
Sol kezde QR Ükımetınıŋ qaulysymen jaŋa astanaǧa köşıp kelıp jatqan memlekettık qyzmetkerler üşın ne keŋse, ne laiyqty baspana joqtyŋ qasy edı. Sondyqtan qazaqşa aitqanda, qiynnan qiystyrudan basqa amal bolmady. Jäne būl tarihi köştıŋ bır erekşelıgı – ol būrynǧy atam zamanǧy qazaqi köşten özgeşelıgı – ol Qazaq elınıŋ bolaşaǧy men qazaq halqynyŋ erteŋgı künıne alaŋdamai, bolaşaq ūrpaqtyŋ ata-babalardyŋ san ǧasyrlar boiy el egemendıgın aŋsap,armandaǧan ösietın jüzege asyrudyŋ qamy bolatyn. Men özım sondai ūly oqiǧanyŋ ärı kuäsı, ärı soǧan qatysty bolǧanymdy maqtan tūtam. Bılım jäne ǧylym ministrlıgı de köp jylǧy ūstazdyq eŋbegımdı baǧalap, menıŋ atyma arnap kolledj ǧimaratynda auditoriia aşty. Onda är kezde taǧylymy men tärbielık maŋyzy bar sabaqtar men kezdesuler ötkızıledı.
İä, bügıngı Astanany tyŋ igeruge deiıngı aŋyzaq daladaǧy Aqmolamen, sol nauqan kezınde qūrylystary qalai bolsa solai talǧamsyz salynǧan Selinogradpen tıptı de salystyruǧa kelmeidı. Astana osy zamanǧy säuletı men däuletı qatar damyǧan äsem qalaǧa ainaldy. Bız endı astanany Mäŋgılık el ordasy dep maqtanyşpen bükıl älemge jar sala alamyz!
Otyzbai SÜIINDIKOV,
respublikaǧa eŋbegı sıŋgen ūstaz
