«Astana» – üş dürkın chempion!

Bügın futboldan Qazaqstan chempionatynyŋ premer-ligasynda soŋǧy turdyŋ oiyndary ötedı. Osy turdyŋ nätijesınde qola jüldeger belgılı bolady. Al altyn medal iegerı chempionat aiaqtalmai-aq anyqtalyp qoidy. «Astana» biyl üşınşı märte qatarynan el chempiony ataǧyn jeŋıp aldy. Däl ötken jyldaǧydai Almatynyŋ «Qairat» komandasy kümıstı oljalady.

«Astana» futbol kluby bügınde el sportynyŋ mär­te­belı ūjymyna ainalyp otyr. 2009 jyly qūrylǧan komanda biyl segızınşı ret ūlttyq bırınşılıkte baq synady. Bes chempionatta jüldege qol sozdy. Premer-ligaǧa qosylǧan jyly bırden jeŋımpaz bolatyndai oiyn körsetken de edı. Alaida «Aqtöbe» komandasynan oza almady. Al aqtöbelıkter bolsa, sol jyly elımızdıŋ chem­pionatyn besın­şı ret jeŋıp alǧan bolatyn. Sondai-aq üş ret qatarynan altyn jülde ielenıp, re­kordtyq körsetkışke de qol jetkızgen.
Mıne, osy rekordty biyl «Astana» da qaitalap otyr. Jalpy «Astana» soŋǧy üş jylda tamaşa öner körsetıp kele jatqanyn airyqşa atap ötkenımız jön. Bolgariia mamany Stanimir Stoilov komandanyŋ tızgının ūstaǧaly astanalyq komanda tek qana el chempionaty men kubok bäsekelerınde top jaryp qoi­mai, UEFA aiasyndaǧy turnirlerde de tabysty öner körsete bastady.
«Astana» biylǧy chem­pion­dyq ataqty «Oqjetpes» komandasymen oiynnan keiın ielendı. Kökşetauda ötken matchta esep aşylmaǧan. Al «Astana» üşın bır-aq ūpai qajet bolǧandyqtan, osy teŋ oiynnyŋ nätijesı chem­piondyqqa jetkızdı.
Aituly matchtan keiın bas bapker Stoilov özınıŋ qua­nyşymen bölıstı. «Menıŋ futbolşylarym men üşın naǧyz batyrlar. Üşınşı ret qata­rynan el chempiony ataǧyn jeŋıp aldy. Äsırese, koman­danyŋ janküierlerıne aitar alǧysym şeksız. Būl jeŋıske olar da ortaq. Osyndai deŋgeide oinauymyzǧa barlyq jaǧdaidy jasai bılgen klub basşylyǧyna da riza­şylyǧymdy bıldıremın. «Astana» futbolşylary şynymen de batyrlar ǧoi, öitkenı olar biyl üş maidanda qatar öner körsetıp keledı. Ūlttyq chempionat, el kubogy, sonymen qatar Europa turnirlerınde oinap jür. Onyŋ üstıne qanşama futbolşymyz Qazaqstan ūlttyq qūramasynda öner körsetedı» dep aǧynan jaryldy «Astana» tızgının ūstaǧan bolgariialyq bapker.
«Astana» futbol klubynyŋ bas menedjerı Saian Hamit­janov ta komandanyŋ jar­qyn jeŋısıne orai öz pıkırın ortaǧa saldy. «Astana» ko­­mandasynyŋ jeŋısı – būl ülken eŋbektıŋ jemısı. Qata­rynan üş ret chempion­dyq tūǧyrǧa köterılu – erekşe kör­setkış. Būl bükıl ko­man­danyŋ ortaq jeŋısı dep sanaimyn. Osy oraida aldymen komandanyŋ jan­küierlerın qūttyqtaǧym keledı. Stanimir Stoilov bastaǧan bapkerler ūjymyna da, klubtyŋ äkımşılıgıne de alǧysymdy bıldıremın. Al jasyl alaŋda oinaityn futbolşylarymyz, ärine, erekşe qūrmetke ie. «Astana» üşın mausym älı aiaqtalǧan joq. Bız älı UEFA aiasyndaǧy Europa liga­synda oiyndarymyzdy jalǧastyramyz. Aldaǧy bei­senbıde «Olimpiakos» komandasyn qabyldaimyz» deidı «Astana» futbol klubyn alǧa jetelep kele jatqan Saian Hamitjanov.

EUROPAǦA AŞYLǦAN TAǦY BIR ESIK

Üş dürkın Qazaqstan chempiony atanǧan «Astana» osymen üşınşı ret Europadaǧy eŋ dübırlı dop dodasyna qatysuǧa mümkındık aldy. Byltyr Chempiondar ligasyna tūŋǧyş ret qatysqan elordalyqtardyŋ tūsauy toptyq kezeŋde kesıldı.

SÄTTI BASTAMA 

Chempiondar ligasynyŋ ırık­teu kezeŋınen ärı asuy neǧaibyl «Astana» aidy as­panǧa bıraq şyǧaryp, kärı qūrlyqtyŋ qauqarly koman­dalarynyŋ at basyn elge būr­ǧyzyp edı. Osy jolyn biyl da jalǧap, top­tyq kezeŋge ötuge säl sättılık jetıspei qaldy. Oǧan moiyǧan astanalyqtar joq, esesıne Europa ligasynda aianyp qalmauda.
Byltyr «Astana» ırıkteu kezeŋınıŋ ekınşı turynda
Slo­veniianyŋ «Maribor» komandasyn jalpy esep boiynşa 3:2 esebımen qapy qaldyrǧan. Būl match elordalyqtardyŋ esınen älı kete qoiǧan joq. Alǧaşqy matchta syrt alaŋda
1:0 bolyp ūtylyp kelıp, öz alaŋynda ötken matchta qarsy­lastar taǧy da gol salǧan. Sonymen üş gol salsa ǧana kelesıge ötedı. Būl oryndalmastai kö­rın­genımen, astanalyqtar üş sol soǧyp, maqsatyna jettı.
Odan keiın finliandiialyq «HİK» komandasyna tap boldy. Būl match ta oŋaiǧa soqpai, zorǧa degende 4:3 esebımen alǧa şyqty. Al plei-ofta kiprlık «Apoel» klubynan ailasyn asyrdy.
Osylaişa, toptyq kezeŋge ötken «Astana» sol jyly finalda oiqastaǧan «Atletiko
Madrid» komandasymen jäne «Benfika», «Galatasarai» sekıldı tısqaqqan klubtarmen aiqasty. Äjep­täuır aibat körsetken elor­dalyqtar jan­küierlerın jerge qaratpai, öz jerınde ötken matchtardyŋ bärınde jeŋılgen joq. Osyǧan qarap-aq, «Astananyŋ» Chempiondar ligasyndaǧy debiutın sättı öttı dep baǧalauǧa bolady. Rasynda da, Europanyŋ eŋ tanymal futbol sarapşylary «Astana» bızdı taŋǧaldyrdy» dep pıkır bıldırdı.

ELORDALYQTAR EUROPA LİGASYNDA

Al biyl «Astananyŋ» kärı qūrlyqqa joryǧy Europa ligasymen tügesılmek. Ekınşı jyl qatarynan el chempiony bolǧan elordalyqtar alǧaşqy qadamyn Chempiondar ligasynda bastaǧanymen, toptyq kezeŋge bır taban jaqyn qalǧanda joldan taidy.
Būl joly ırıkteu kezeŋın bırden ekınşı raundtan bastaǧan «Astana» litvalyq «Jalgiris» komandasymen küş synasty. Bırınşı oiyn syrt alaŋda teŋ aiaqtalyp, qarymta matchta 2:1 esebımen äupırımdep basym tüstı.
Söitıp, üşınşı ırıkteu raundynda Şotlandiianyŋ äigılı «Seltigıne» tap boldy. Būl – bızdıŋ syralǧy qarsylasymyz. Būryn bızdıŋ elge tabany tigen olar «Şahtermen» bıraz tartysqan. Alǧaşqy match «Astana Arenada» ötıp, qos komanda bır-bır goldan soqty. Al jauapty oiynda 2:1 esebımen ese jıberdı.
Osylaişa Chempiondar li­gasynyŋ toptyq kezeŋıne öte almaǧan «Astana» bırden Europa ligasynyŋ tobyna top ete tüstı. Qazırgı uaqytta «V» tobynda «Apoel», «Olimpia­kos» jäne «Iаng Boiz» komandalarmen bırın­şı oiyndy ötkızdı. Aldymen «Apoel»-men oinap, 2:1 esebımen jeŋıldı. Sodan keiın öz üiınde şveisariialyq «Iаng Boiz» klubymen teŋ tüstı. Al grekiialyq «Olimpiakos» komandasynan 4:1 esebımen oisyrai ūtyldy. Endı 3 qaraşa künı osy komandamen qarymta match ötedı.
Ekı ret chempion bolǧandaǧy «Astananyŋ» Europadaǧy joly osylai örbıp jatyr. Endı kelesı jyly taǧy da Chempiondar ligasynyŋ toptyq kezeŋıne ötuge baryn salyp körmek. Mūnyŋ dämın tatyp körgen elordalyqtar ışkı bırınşılıktegı jeŋıster ırı dop dodalaryna aşylatyn esık ekenın eskeredı. Sonyŋ nätijesınde biyl üşınşı märte chempion atanyp, taǧy bır joldamany ielendı.

Saian Hamitjanov, «Astana» komandasynyŋ bas menedjerı:

– Biyl bız altyn jüldege qol jetkızdık jäne Europa ligasynyŋ toptyq kezeŋıne tüstık. Būl – bärımızdıŋ ortaq jeŋısımız. Onyŋ ışınde janküierlerdıŋ de ülesı zor. Komandamyz taǧy bır ret Qazaqstandaǧy eŋ küştı klub ekenın däleldedı. Būǧan merzımınen būryn jetkenımızdı erekşe atap ötken jön. Eger chempiondyqtyŋ taǧdyryn soŋǧy turǧa qaldyrǧanda, psihologiialyq tūrǧydan komandaǧa auyr tietın edı. Sondyqtan biylǧa josparlanǧan eŋ negızgı jospar oryndaldy. Endı tek Europa ligasyn, sondai-aq, Qazaqstan kubogyn oilauymyz kerek.

Stanimir Stoilov, «Astana» komandasynyŋ bas bapkerı:

– Är mausym – bız üşın ülken saltanat. Degenmen chempiondyq oŋailyqpen kelgen joq. Ūpai jo­ǧalt­tyq. Almatylyq «Qai­rat­tan» öz alaŋymyzda jäne qonaqta ese jıberıp, jaqyndatuǧa yŋǧai berıp qoidyq. Bıraq bız soŋynda degenı­mızge jetıp, eŋsemız bärınen biık boldy. Negızgı közdegenımız oryndaldy. Endı
Europa ligasynda ūpaiymyzdy molaituǧa küş
salamyz. Aiazǧa qaramai astanalyqtar bızdı qoldauǧa keledı dep oilaimyn. Stadionnyŋ töbesı – jabyq, ışı – jyly, energiiaǧa toly bolady.

Taŋat Nöserbaev,«Astana» şabuylşysy:

– Bız Europa ligasynda bar bolǧany bır-aq ūpai aldyq. Alaida alda älı üş match bar. El chempiony bolǧanymyzǧa toqmeiılsımei, soŋyna deiın şaiqasuǧa bar küş-jıgerımızdı salamyz. Jaqynda «Olimpiakos» komandasymen jauapty oiyn. Jaraqat alyp qalǧanymyzǧa, şarşaǧanymyzǧa qaramastan, janküierlerdıŋ qalyŋ qoldauynyŋ arqasynda jaqsy nätije körsetemız dep oilaimyn.

Dmitrii Şomko, «Astana» qorǧauşysy:

– Menıŋ oiynyma köŋılı tolǧan jūrtqa alǧysym şeksız. Bız, ärine, temırden jaral­maǧanbyz, mausym soŋyna qarai şarşa­ǧa­nymyz bı­lınedı. «Astana» – elımızdıŋ eŋ myqty futbol komandasy ekenın däleldeu üşın bız barlyq matchtarda jaqsy oiyn örnegın körsetuge tyry­samyz. Bızge tek elordalyqtar ǧana emes, bükıl el janküier bolyp otyr. Sol üşın «Olimpiakos» komandasymen bolatyn oiynda aianyp qalmaimyz.

Abzal Beisebekov, «Astana» qorǧauşysy:
– Men özımdı älı «Asta­nanyŋ» «ardager» oiynşysy retınde sanamaimyn. Osydan ekı jyl būryn euro­palyq ligada dop teuıp, dälırek aitqanda, pol­şalyq «Korona» koman­dasynda oinap azdap täjı­ribe jinadym. Qazır men Qazaqstan bırınşılıgınde ǧana emes, Euro kuboktarda oinap jürmın. Eger Europanyŋ myqtyraq komandalarynan ūsynys bolyp jatsa, mansabymnyŋ jaŋa kezeŋı turaly oilanyp köruge bolady. Äzırge jolym «Astanamen» bailanysty bolǧandyqtan, basqa klub turaly oilaǧan joqpyn. Europa ligasynda oiynymyzdan jaŋylmaimyz dep senemın.

Betterdı daiyndaǧandar: Ǧalym QOJABEKOV, Orynbek ÖTEMŪRAT