Astanada ata-ana qamqorlyǧynsyz qalǧan säbilerdıŋ tūsauy kesıldı (FOTO)
Ūlystyŋ ūly künınıŋ qarsaŋynda QR Ūlttyq muzeiınde igı şara öttı. Respublikalyq «Jaqsylyq jasa» jobasynyŋ aiasynda ata-ana qamqorlyǧynsyz qalǧan balalardyŋ tūsauyn kesu räsımı ūiymdastyrylyp, jinalǧan jūrtşylyq qaz-qaz basqan säbilerdıŋ qadamdaryna sättılık tıledı. Bas qalamyzdaǧy Mamandandyrylǧan balalar üiınıŋ Adelina, Elhan, Iаsmin, Arhat, Däniia esımdı tärbielenuşılerınıŋ tūsauyn kesuge öner, ädebiet, jurnalistika salalarynda attary tanylyp qalǧan adamdar şaqyryldy.
Qazaq arasynda ejelden jalǧasyp kele jatqan būl dästürdıŋ öz joralǧylary bar. Ärtürlı jaqsy yrymdardy ūstanǧan halqymyz balanyŋ aiaǧyna maldyŋ toq ışegın, kök şöptı nemese ala jıptı bailap, tūsauyn pyşaqpen kesken. Būl räsımdı atqarudy kım körıngenge tapsyrmai, «Jolyn bersın» degen nietpın elge syily, qimyly şiraq, sözı de, ısı de jūrtty qaratatyn azamattarǧa jüktegen.
«Tūsaukeser räsımınıŋ Ūlttyq muzei qabyrǧasynda ūiymdastyryluy tekten-tek emes. Osy jerde ata-babalarymyzdan qalǧan asyl mūralar, qūndy jädıgerler jinaqtalǧan. «Ūzynyn ūlyna, qyzylyn qyzyna» deitın halqymyz är meiramynda dästür-saltyn saqtap, ūrpaǧyna arnaǧan. Sony ūstanyp, tūsaukeser räsımın ötkızıp otyrmyz» deidı muzeidıŋ bas qor saqtauşysy Yryskül Iskendırqyzy.
Alǧaşqy bolyp Adelina atty säbidıŋ tūsauyn qazaq änın älem sahnalarynda asqaqtatyp salyp jürgen opera änşısı, Qazaqstannyŋ eŋbek sıŋırgen ärtısı Maira Mūhamedqyzy kestı. Köpşılık aldynda tolqyp söilegen ol muzei jäne Mamandandyrylǧan balalar üiınıŋ ūjymdaryna «Älem besık jyrlary» diskısın syiǧa tartty. «Būl diskıge älemnıŋ ınju-marjandary özımnıŋ oryndauymda qazaq tılınde jazylǧan. Kışkentailar ony tyŋdap össe, bolaşaqtary jarqyn bolady, älem muzykasyna degen qūştarlyǧy oianady dep oilaimyn» dedı opera änşısı.
Özge säbilerdıŋ tūsauyn «Astana aqşamy» JŞS direktorynyŋ orynbasary, belgılı jurnalist Zeiın Älıpbek, aqyn Qalqaman Sarin, «Balapan» telearnasynyŋ direktory, tanymal telejürgızuşı Läila Sūltanqyzy, saiasattanuşy-jurnalist Jarqyn Tüsıpbekūly kestı. Belgılı satirik, halyqaralyq «Alaş» syilyǧynyŋ iegerı Köpen Ämırbek aqsaqaldyq batasyn berdı.
Amanǧali QALJANOV
Materialdy “Astana aqşamy” gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.
