Astanada elımızdıŋ barlyq öŋırlerındegı ädıstemelık ortalyqtardyŋ 300-den astam basşylaryna arnalǧan «Ädıstemelık qyzmettıŋ qazırgı zamanǧy syn-qaterlerı men damu tendensiialary» atty oqytu seminary öttı, dep habarlaidy astana-akshamy.kz.
Orta bılım beru komitetınıŋ töraǧasy Qanybek Jūmaşev bügıngı taŋda ädıstemelık ortalyqtar bılım beru salasyndaǧy uäkılettı organ men pedagogikalyq qoǧamdastyq arasyndaǧy köpırge ainalǧanyn atap öttı. «Bılım beru jüiesındegı 22 myŋ bılım beru ūiymynda 550 myŋnan astam pedagog qyzmet etedı. Ädıstemelık ortalyqtardyŋ jūmysynyŋ dūrys ärı üilesımdı jürgızıluı bılım beru sapasyn arttyruǧa tıkelei äser etedı. Bıraq mūǧalımderge nätijelı kömek pen qoldau körsetu üşın ädısker öz qūzyretın ünemı arttyryp otyruy qajet», – dep atap öttı Qanybek Jūmaşev. Is-şara aiasynda körme ūiymdastyryldy. Onda bılım beru salasyndaǧy jaŋa tehnologiialar, onyŋ ışınde sabaq berudı ūiymdastyruda sifrlyq jäne AI-şeşımder ūsynyldy.
«Qazırgı zamanǧy özgerıster jaŋa şeşımderdı talap etedı. Bız elımızdıŋ äleumettık-ekonomikalyq damu tendensiialaryna bailanysty talaptardyŋ jyl saiyn qalai özgeretının körıp otyrmyz. Ädıstemelık ortalyqtar ökılderınıŋ qyzmetı osy özgerısterge säikes özektendırıluı tiıs. Öitkenı zaŋnamadaǧy özgerıster mūǧalımderge qanşalyqty anyq ärı naqty jetkızıletını sızderge bailanysty. Bügın şaǧyn toptarda seminarǧa qatysuşylar bılım beru prosesındegı negızgı täsıldermen egjei-tegjeilı tanysty. Būl benchmarking, kerı dizain, qūndylyqqa baǧyttalǧan, inkliuzivtı, kommunikativtı täsılder jäne t. b. Sondai-aq fasilitarlyq seminarlardyŋ qorytyndysy boiynşa ädıskerler öz jobalaryn tanystyrdy», – dedı Y.Altynsarin atyndaǧy Ūlttyq bılım akademiiasynyŋ prezidentı Madina Tynybaeva. E
lımızde barlyǧy 220 ädıstemelık kabinet (ortalyq) jūmys ısteidı. Onda 2934 ädısker eŋbek etedı. Anyqtama üşın: Ädıstemelık ortalyq (kabinet) – oqu-ädıstemelık jäne ǧylymi-ädıstemelık jūmysty jüzege asyratyn öŋırlık bılım basqarmalary janyndaǧy qosalqy bölımşe.
