Astana äkımı Ädılbek Jaqsybekovtyŋ töraǧalyǧymen ötken kezektı apparattyq jiyn barysynda tūrǧyndarǧa körsetıletın qyzmet sapasy, investisiia tartu, jaŋa oqu jylyna qala mektepterın daiyndau jäne taǧy da bırqatar özektı mäseleler talqylandy dep habarlaidy qala äkımınıŋ baspasöz qyzmetı.
Ötken apparattyq jiyndardyŋ bırınde elordadaǧy supermarketterdıŋ, sauda ortalyqtary men densaulyq saqtau mekemelerı, sondai-aq, özge de äleumettık nysandardyŋ halyqqa körsetetın qyzmetterınıŋ sapasyn arttyru boiynşa mäsele köterılgen bolatyn. Būl mäselege tūrǧyndar da ün qosty. Şara basşysy atap ötkendei, qalalyq qūrylymdardyŋ basty jūmys baǧyty elordalyq servis deŋgeiın jäne halyqqa körsetıletın barlyq qyzmet türlerınıŋ sapasyn arttyru boluy kerek.
Äkımnıŋ pıkırınşe, biudjet saiasatynda memlekettık-jeke menşık serıktestık tetıkterın jiı paidalanyp, investorlardy tartu qajet. Elorda basşysy Astanada investisiialyq qolaily jaǧdai jasau eŋ özektı mäsele bolyp otyrǧanyn atap öttı. Elordada 27-30 qazan aralyǧynda ötetın «Astana Invest – 2015» VI halyqaralyq ekonomikalyq forumy da osy tüitkıldı mäselelerdı şeşuge arnalady.
– Būl jūmysqa nemqūraily qaramau kerek. Kedergılerdı joiu jönındegı menıŋ qoiǧan talaptarym şūǧyl türde jüzege asuy qajet, – dedı äkım.
Qala mektepterınıŋ jaŋa oqu jylyna daiyndyǧy jäne olardyŋ jaǧdaiy jaqsy bolǧanymen, äkım bırqatar kemşılıkterge de toqtala kettı.
– Köptegen qala mektepterınıŋ aulalarynda sanitarlyq jaǧdai baqylanbaidy. Mäselen, salbyrap tūrǧan elektr symdary balalarǧa jaraqat saluy mümkın. Mektep aulalarynda tūrǧylyqty meken-jaiy joq adamdardyŋ jüruı de dūrys emes. Mūnyŋ bärın mektep direktorlary ǧana emes, qalanyŋ qūzırettı organdary da qadaǧalau kerek, – dedı Ä.Jaqsybekov.
Taǧy bır özektı mäsele – vokzal aumaǧyndaǧy jaǧdai. Qaiyrşylar men «tüngı köbelekterdıŋ» qyzmetın ūsynatyn «jeŋgetailar» jäne basqa da vokzal aumaǧyndaǧy qym-quyt tırlıktıŋ bärı qala tūrǧyndary men qonaqtary tarapynan köptegen synǧa türtkı bolady.
– Mysaly, «Vecherniaia Astana» gazetınıŋ senbılık nömırınde tılşı özge qaladan kelgen adam retınde körınıp, vokzal aumaǧyndaǧy ömırdıŋ barlyq qyr-syryn aşyp bergen. Būl keşe ǧana oryn alǧan jaǧdai emes. Işkı ıster departamentınen vokzal aumaǧyn tazartu jönınde şara qabyldaudy talap etemın, – dedı äkım.
Qala basşysynyŋ aituynşa, PİK töraǧalary tūrǧyndarmen tıkelei bailanysta bolyp, ärbır şaǧym men ötınışke der kezınde jauap qatulary kerek.
Elordanyŋ bezendırıluı de, äkımnıŋ pıkırınşe, köp synnyŋ astynda qalyp jatady. Astananyŋ kündızgı jäne tüngı bezendırıluı qazırgı elordanyŋ bet-kelbetıne sai emes.
– Eskı materialdar, girliandalar, jaryq diodty şamdar qoldanylǧan. Mūnyŋ barlyǧy da eskırıp bıtken. Jaŋa, joǧary tehnologiialyq materialdardy paidalanu kerek. Bärı bıryŋǧai qaǧidaǧa baǧynu kerek, – dei kelıp, äkım osy jūmysty baqylaudy Qala qūrylysy jäne säulet basqarmasyna tapsyrdy.
Qorytyndylai kele, Ä.Jaqybekov Astana qalasynda tūrǧyndarǧa körsetıletın qyzmet sapasy elorda märtebesıne sai boluy kerektıgın taǧy bır atap öttı. Sondyqtan, qala qūrylymdary tūrǧyndar men qala qonaqtaryna yŋǧaily jaǧdai jasau üşın barlyq salalardaǧy kemşılıkterdı joiulary kerek.
