Astanada Nauryz merekesıne arnalǧan halyqtyq seruen öttı (FOTO, VİDEO)
Elordada Nauryz meiramyna orai halyqtyq seruender ötıp jatyr. Mereke ekı kün boiy toilanady.
Basty şaralardyŋ bırı «Qazaq elı» monumentı aldyndaǧy alaŋda öttı. Ädettegıdei, kiız üiler tıgılıp, sport jarystary ūiymdastyryldy, altybaqan ornatylyp, konserttık baǧdarlama köpşılık nazaryna ūsynyldy.
– Jyl saiyn kiız üiler tıgıp, bauyrsaq taratamyz, nauryz köje men qymyz ūsynamyz. Kiız üilerde dastarhandar jaiyldy. Eŋ basty merekelerdıŋ bırı – güldenu men halyq bırıgetın kün. Bügın qonaqtardy taŋǧy saǧat 8-den bastap qarsy aludamyz. Ülken-kışınıŋ barlyǧy kep jatyr, – dedı qalalyq basqarmalardyŋ ökılderınıŋ bırı Aiman Şynbaeva.
Halyq arasynda küres, gır sporty, armrestling, arqan tartu, asyq atu jarystary ötkızıldı. Qalalyq mädeniet mekemelerı adamdarǧa merekelık köŋıl küi syilauda. Jas teatr ärtısterı astanalyqtardyŋ nazaryna taqyryptyq körınıster ūsynuda, – dep habarlaidy elorda äkımdıgınıŋ saity.
Merekelık şaralar «Bäiterek» monumentınıŋ aldyndaǧy alaŋda, sondai-aq, qalalyq alaŋda da ötıp jatyr. Qalalyq qyzmetter kiız üiler tıgıp, tättı-dämdıler taratyp, sändık būiymdardy köpşılıkke körsetude.
Aşyq aspan aiasynda ötıp jatqan merekege elımızdıŋ basqa öŋırlerınen jäne şet elderden kelgen qonaqtar da qatysuda. Aq jaulyqty äjemız Qazaqstan halqyna ızgı tılegın bıldırdı.
– Köktemnıŋ şuaqty künımen bırge özımızdıŋ ūlttyq, bükıl älem mūsylmandary toilaityn äz-Nauryz merekesı kelıp, bükıl el, bükıl halyq şattanuda. Ūlystyŋ ūly künı oŋ bolsyn. Aq mol bolsyn. Zamanymyz tynyş bolyp, beibıtşılık zaman bolsyn.
(Video: Qazaqparat)
Halyqtyq seruendı tamaşalaǧan Armanbek Küntuǧanūly da elorda tūrǧyndary men qonaqtaryn Nauryz meiramymen qūttyqtady.
– Qazaqstan halqyn Nauryz merekesımen qūttyqtaimyn, bereke-bırlıkte toilai bereiık. Aspanymyz aşyq, elımız tynyş bolsyn, – deidı ol.
Aita keteiık, elordada halyqtyq seruen erteŋ de ötedı. Merekelık şaralar «Studenttık» jäne «Jerūiyq» parkterınde, «Astana-Arena» stadiony janyndaǧy etnoauylda, qalalyq alaŋda, Qazaq elı monumentınıŋ jäne Bäiterek monumentınıŋ janyndaǧy alaŋdarda ūiymdastyrylady.
astana-akshamy.kz