Astanada Täuelsızdık saraiynda Elbasy Nūrsūltan Nazarbaevtyŋ töraǧalyǧymen «Nūr Otan» partiiasynyŋ kezektı HVIII sezı ötude, dep habarlaidy Elorda İnfo.
Sezddıŋ kün tärtıbınde bırneşe mäselenı qaraluda. Atap aitqanda, partiianyŋ 20 jyldyǧyna orai ötkızılıp otyrǧan sezde partiia jarǧysyna özgertuler men tolyqtyrular engızu jäne saiasi keŋes pen ortalyq baqylau-tekseru komissiiasynyŋ eseptık kezeŋdegı jūmys qorytyndylary talqylanuda.
Sonymen qatar partiia Saiasi keŋesınıŋ jəne Ortalyq baqylau-tekseru komissiiasynyŋ müşelerı sailanatyn bolady. Sezd jūmysyna 2 myŋǧa juyq adam qatysuda. Olardyŋ 1200-ı elımızdıŋ barlyq öŋırlerınen kelgen delegattar, al qalǧan 800-ge juyǧy – qonaqtar.
Aita ketsek, keşe partiia töraǧasynyŋ bırınşı orynbasary Mäulen Äşımbaevtyŋ töraǧalyǧymen partiia saiasi keŋesınıŋ otyrysy ötken bolatyn.
Oǧan saiasi keŋes müşelerı, sonyŋ ışınde QR Parlamentınıŋ deputattary, atqaruşy memlekettık organdardyŋ jäne ükımettık emes ūiymdardyŋ basşylary, käsıpkerler, därıgerler, bılım, mädeniet, sport salasynyŋ ökılderı, Qazaqstan halqy assambleiasynyŋ müşelerı jäne taǧy basqalar qatysty.
Keŋes otyrysynda «Nūr Otan» partiiasynyŋ 2030 jylǧa deiıngı «Baquatty qoǧam: onjyldyqtyŋ 10 maqsaty» atty jaŋa baǧdarlama jobasy talqylandy.
