Astanada jaŋa audan paida boluy mümkın, dep habarlaidy astana-akshamy.kz
Bastama, eŋ aldymen, halyqtyŋ ösu dinamikasy men azamattardyŋ qajettılıkterın eskere otyryp, aumaqty tiımdı basqaruǧa jäne damytuǧa baǧyttalǧan.
Astanada altynşy audandy qūru turaly bastamany qalalyq mäslihat töraǧasy Erlan Kanalimov sūhbatynda aitty.
«Memleket basşysy Astana el ömırınde erekşe oryn alatynyn bırneşe ret atap öttı. Qalaǧa tek ekonomika emes, säulet, urbanistika tūrǧysynan belgılı bır talaptar qoiylady. Özderıŋız bıletındei, Almaty audany – halqy eŋ köp audandardyŋ bırı. Almaty audanynda 6 tūrǧyn alap bar. Olar: Promyşlennyi, Jeleznodorojnyi, İnternasionalnyi, Michurino, Küigenjar, Iýgo-Vostok. Audannyŋ aumaǧy 15 471 gektardy qūraidy. Mūnda şamamen 400 myŋ adam tūrady. Tūrǧyn üi qory 885 köpqabatty tūrǧyn üidı qūraidy. №1 İndustriialyq park aumaǧynda 51 käsıporyn jūmys ısteidı. Jeleznodorojnyi tūrǧyn alabynda №2 İndustriialyq park salu josparlanyp otyr. Audan äkımınıŋ apparatyna jükteme artty», – dedı ol.
Qalalyq mäslihat töraǧasy osyǧan bailanysty Astananyŋ jaŋa altynşy audanyn qūruǧa bastamaşy bolǧanyn tüsındırdı.
«Bastama, eŋ aldymen, halyqtyŋ ösu dinamikasy men azamattardyŋ qajettılıkterın eskere otyryp, aumaqty tiımdı basqaruǧa jäne damytuǧa baǧyttalǧan. Jaŋa äkımşılık bırlık özınıŋ infraqūrylymyn damytu, jaily ömır süru jaǧdailaryn qamtamasyz etu jäne azamattardyŋ ömır süru sapasyn jaqsartu üşın qajettı resurstar men qūraldardy alady degen boljam bar. Mäsele qala jūrtşylyǧymen aldyn ala talqylanyp, Astana äkımı men Memleket basşysynyŋ qarauyna şyǧarylady», – dedı Erlan Kanalimov.
