Astanadaǧy eŋ ırı mūz qalaşyǧy «Han Şatyr» SOSO maŋynda aşylady
Qystyŋ keluımen Astana tūrǧyndary men qonaqtaryna arnap köptegen qyzyqtar äzırlenude. Qalyptasqan dästür boiynşa Astananyŋ baqtarynda jäne Esıl jaǧalauynda mūz aidyndary qūiylyp, mūz qalaşyqtary salynady. Eŋ ülken mūz qalaşyǧy «Han Şatyr» SOSO maŋynda ornalasatyn bolady.
Sauda ortalyǧynyŋ qasyndaǧy alaŋda mūz müsınderıne toly qalaşyqtan basqa, mūz aidyny, syrǧanau töbeşıkterı, konki men şanany jalǧa beru beketterı, şai ışıp, jylynatyn oryndar qarastyrylatyn bolady.
Elorda äkımdıgınıŋ aldyndaǧy mūz aidyny da aşyq aspan astyndaǧy qysqy qyzyq türlerın ūnatatyndardyŋ köŋılınen şyǧatyny anyq. Sondai-aq, biyl Esıl jaǧalaiyndaǧy dästürlı mūz aidynynan bölek, saǧat türınde bezendırılgen «Kün» subūrqaǧynyŋ qasynda da konki tebuge mümkındık bar.
Sonymen qatar, Aqbūlaq būlaǧynda, «Jerūiyq» jäne Prezident baqtarynda da mūz aidyndaryn qūiu josparlanǧan.
«Arai» baǧynda byltyrǧymen salystyrǧanda ülkendeu syrǧanau töbeşıkterı jasalady. Qaladaǧy eŋ ädemı mūz aidyndarynyŋ bırı osynda ornalasady. Baqtyŋ jaryqtandyryluy ädemı jäne jastardyŋ qydyruyna laiyqty. Barlyq mūz aidyndarynda konkidı jalǧa beru beketterı, tamaqtanu oryndary qarastyrylady, bärı ädemı formatta jasalady. Baqtarda konki tepken yŋǧaily siiaqty, öitkenı ol jerdegı aǧaştar jelden qorǧaidy, balalarmen konki tebuge jaqsy», – deidı Astana qalasy Kommunaldyq menşık Qory direktorynyŋ orynbasary Ǧani Hasenov.
Onyŋ aituynşa, barlyq jūmystar 20 jeltoqsanǧa deiın aiaqtalady.
