Bas qalanyŋ 20 jyldyǧyna orai elordanyŋ şyǧarmaşylyq ūjymdary el aimaqtary tūrǧyndaryna «Astanadan aq tılek» atty merekelık baǧdarlama äzırledı.
Astananyŋ mädeni künderı öŋırlerde 12 mamyr künı bastalyp, qyrküiektıŋ soŋynda aiaqtalady. Beisenbı künı astanalyq bır top önerpaz «Nūrly jol» vokzalynan aimaqtarǧa attandy.
«Memleket basşysynyŋ tapsyrmasymen öŋırler elordanyŋ 20 jyldyǧyn merekeleuge belsendı qatysyp jatyr. Eldıŋ bükıl qalalary men oblys ortalyqtarynda mereitoilyq dataǧa arnalǧan türlı şaralar ötude. Öŋırlerdegı Astana künderı būl merekenıŋ ajyramas bölıgı bolyp tabylady.
Astanalyq önerpazdar jazda Qazaqstannyŋ 16 qalasynda bolyp qaitady. Onda eŋ üzdık teatrlandyrylǧan jäne sirk qoiylymdary, körkemsuret körmelerı körsetıledı, gala-konsertter, sporttyq jarystar taǧy osy siiaqty şaralar ötkızıledı» dedı Astana qalasy Mädeniet jäne sport basqarmasynyŋ basşysy Bolat Majaǧūlov.
Elordadan «Saryarqa» halyq muzykasy jäne «Şalqyma» halyq biı, estradalyq bi ansamblderı, Ǧaziza Jūbanova atyndaǧy ışektı aspaptar kvartetı, «Astana» estradalyq-simfoniialyq orkestrı, Kameralyq hor, «Qorqyt» dästürlı saz toby, qalanyŋ Memlekettık akademiialyq filarmoniiasynyŋ ürmelı jäne qazaq orkestrlerı öŋırlerde gastrolderdı ötkızedı. Q.Quanyşbaev atyndaǧy Memlekettık akademiialyq qazaq muzykalyq drama teatry, M.Gorkii atyndaǧy Memlekettık akademiialyq orys drama teatry, Quyrşaq teatry, «Jastar» teatry jäne «Naz» bi teatry özderınıŋ üzdık qoiylymdaryn ūsynady. Är ūjym janry boiynşa ärtürlı tolyqqandy konserttık baǧdarlama daiyndap, körermenderdı täntı etpek.
Täuelsızdık saraiynyŋ ūjymy elımızdıŋ öŋırlerın «Elbasy-Elorda» atty körmemen aralaidy. Astanalyq sirk te qyzyqty şou körsetedı. Sportsüier qauym da nazardan tys qalǧan joq. Astananyŋ mädeni künderı aiasynda türlı öŋırlerde jas jüzgışter, gandbolşylar, dziudoşylar, hokkeişıler, kikboksşylar, balalar-jasöspırımder sport mektepterınıŋ tärbielenuşılerı arasynda matchtyq jäne joldastyq kezdesuler ötkızıledı.
Eŋ aldymen astanalyq şyǧarmaşylyq ūjymdar öŋırıne at basyn tıreidı. Bırınşı konsertter, spektaklder men körmeler 12-28 mamyr aralyǧynda
Aqtöbe, Oral, Aqtau jäne Atyrau qalalarynda ötedı.
Atap aitqanda, bügın Aqtöbede
«Astana – Aqtöbe oblysy aimaqaralyq yntymaqtastyq» biznes forumy ötedı. «AstanaInvest» qalalyq investisiiany damytu ortalyǧynyŋ ökılderı Astananyŋ investisiialyq mümkındıkterıne qatysty äleuettı jobalardy körsetedı. Sondai-aq, keleşekte Aqtöbe qalasynda aşylatyn Astana saiabaǧynyŋ kapsulasy qalanady.
Keiın elordalyq mädeniet qyzmetkerlerı Aqmola, Soltüstık Qazaqstan, Qostanai jäne Qaraǧandy oblystaryna barady. Onda gastrolder 2-22 mausym aralyǧynda ūiymdastyrylady.
14 jäne 15 şıldede Pavlodar, al 17-18 şıldede Semei jäne Öskemen qalalarynyŋ tūrǧyndary Astananyŋ mädeni baǧdarlamasyn tamaşalaidy.
Būdan ärı astanalyq ärtıster oŋtüstık öŋırlerge barady. Şıldenıŋ 25-ınen tamyzdyŋ 3-ıne deiın Jambyl, Oŋtüstık Qazaqstan jäne Qyzylorda oblystarynda bolady. 18-19 qyrküiekte Almaty oblysyna jetedı. Elordalyq öner ūjymdarynyŋ Qazaqstan boiynşa gastrolderı Almaty qalasynda tüiındelıp, Alatau bauraiynda 22-24 qyrküiek künderı gala-konsert ötedı.
