Astana
Astana qalalyq Densaulyq saqtau basqarmasy 80 myŋnan astam medisinalyq qūjatty elektrondy formatqa auystyrdy. Osy arqyly qala tūrǧyndarynyŋ 93 paiyzy elektrondyq densaulyq qūjatyna qol jetkızdı. Bügınde barlyq medisinalyq ūiym 100 paiyz internet jelısıne qosylǧan.
Almaty
Oŋtüstık megapolis basşylyǧy biylǧy jyly qoǧamdyq kölıkterdıŋ 80 paiyzyn jaŋartady. Būl qalanyŋ avtobus parkındegı 1560 avtobustyŋ tügelge juyǧy özgertıletının bıldıredı. Ötken jyly şaharǧa 479 avtobus äkelıngen bolsa, onyŋ 80 paiyzy jergılıktı biudjet arqyly satyp alynǧan. Al biyl 569 avtobus jetkızu josparlansa, onyŋ 65 paiyzyn jeke kompaniialar äkeledı.
Türkıstan oblysy
Türkiianyŋ Dal Holding Investment CO. kompaniiasy oblystyŋ Türkıstan jäne Kentau qalalarynda qūramdastyrylǧan jylyjai keşenın saludy jüzege asyrady. Ol 200 gektardan astam jerde jylyjai şaruaşylyǧyn damytyp, onda ösırılgen önımnıŋ 80 paiyzyn eksportqa şyǧarady. Oblysta būǧan deiın 1250 gektardan astam jylyjailar bar edı. Onyŋ 50 paiyzynan astamy Saryaǧaş audanynda ornalasqan.
Pavlodar oblysy
Oblysta jergılıktı biudjet esebınen studentterge bılım beru granttary berıletın boldy. Olardyŋ 65-ı pedagogikalyq mamandyqtarǧa, 35-ı tehnikalyq jäne 50 grant joǧary jäne joǧary bılımnen keiıngı bılımı bar mamandarǧa bölındı. Konkursqa barlyǧy 285 ötınış kelıp tüsken. Olardyŋ ışınde memlekettık tılde bılım alu üşın – 211, orys tılınde bılım alu üşın 74 ötınış tırkelgen.
Qostanai
Qytai biznesmenderı Qostanai qalasynda traktor qūrastyru zauytyn aşuǧa müddelılık tanytyp otyr. Atap aitqanda, YTO Group Corporation kompaniiasy Qazaqstanda «YTO» traktorlaryn qūrastyruǧa kırıskelı tūr. Käsıporyn ökılderı osy mäsele jönınde taiau arada Qazaqstanǧa kelıp qaitpaq. Qostanaidaǧy İndustriialyq aimaqta jüzege asatyn mega jobanyŋ qūny 300 mln AQŞ dollaryn qūraidy.
Qaraǧandy
Kenşıler astanasynda «Sifrly Qazaqstan» memlekettık baǧdarlamasy aiasynda Sifrlandyru künı öttı. Baǧdarlama üş bölımnen qūraldy. Oǧan Qaraǧandy, Pavlodar jäne Şyǧys Qazaqstan oblystarynyŋ, Astana qalasynyŋ ökılderı qatysty. Qatysuşylar Smart city salasynda jüzege asyrylyp jatqan jobalar turaly aitty. Şeşımın kütıp tūrǧan mäseleler de ortaǧa salyndy.
Aqtöbe
Arnaiy komissiia Aqtöbenı abattandyruǧa, kögaldandyruǧa jäne tazalyqty qamtamasyz etuge bölıngen biudjet qarajatynyŋ tiımdı jūmsaluyn tekseredı. Jūmys tobyna ekonomika jäne biudjettı josparlau, qarjy basqarmalary men basqa da qūzyrly memlekettık organdardyŋ basşylary kıredı. Mamandardan qūralǧan komanda qalalyq bilıkterdıŋ aqşalai qarajatty jūmsau kezındegı nätijelılık pen ünemdeu qaǧidalaryn saqtaularyna baǧa berulerı tiıs.
