ASTANA
30-31 tamyz künderı Astana tūrǧyndary men qonaqtary «Red Bus» avtobustarymen Astananyŋ sol jaǧalauymen tegın ekskursiiaǧa qatysa alady. Özıne yŋǧaily tıldı taŋdau üşın är qatysuşy özımen bırge qūlaqqap äkeluı tiıs. Avtobustar saǧat 10.00-den bastap «AiLand» jäne «MEGA Silk Way» aialdamalarynan qozǧalady.
MAŊǦYSTAU OBLYSY
Maŋǧystau oblysynda 2018-2019 oqu jylynda 9 jaŋa mektep paidalanuǧa berılmek. Onyŋ üşeuı – halyq köp qonystanǧan Jaŋaözen qalasynda, ekeuı Mūnaily audanynda aşylady. Osylaişa biyl aimaqta üş auysymda bılım beretın 8 mekteptıŋ sany 3-ke qysqarmaq.
QYZYLORDA OBLYSY
Tamyz tügesıler tūsta jyldaǧy dästürmen Qyzylorda öŋırı kürışke oraq saldy. Kerdelı auyldyq okrugındegı şaruaqojalyq şamamen är gektardan 50 sentnerden önım aludy mejeledı. Jalpy, biyl Şielı audany 24 myŋ gektar jerge dän sepse, onyŋ teŋ jartysy – kürış. Al oblys boiynşa Syr marjanynyŋ ülesı 87 myŋ gektarǧa juyqtaidy.
ŞYǦYS QAZAQSTAN OBLYSY
Semei qalasy maŋynan adam süiegı men oǧan tiesılı zattar tabyldy. «Mūqyr aŋşysy» dep at qoiylǧan būl jädıger erte qola däuırıne jatady dep topşylanuda. Qūndy zattardy «Priirtyşe» ölketanuşylar qoǧamynyŋ müşelerı mamyr aiynyŋ soŋynda Mūqyr özenınıŋ boiynan tapqan. Adam süiekterımen qosa jylqynyŋ da qaŋqalary tabylǧan.
AQMOLA OBLYSY
Aqmola oblysynyŋ Ereimentau audanyndaǧy jel elektr stansasy bügınge deiın 500 mln kVt energiia öndırdı. 2015 jyldyŋ tamyz aiynda paidalanuǧa berılgelı damylsyz jūmys ıstep tūrǧan joba jergılıktı tūrǧyndardy da tūraqty jūmyspen qamtyp otyr. Önerkäsıptık ülgıdegı alǧaşqy otandyq jel elektr stansasy 60 ga aumaqty alyp jatyr.
AQTÖBE OBLYSY
Aqtöbe qalalyq mäslihaty jaŋa tariftı bekıttı. Būǧan deiın jol jüru aqysy 55 teŋge bolsa, endı 80 teŋgege köterıldı. Zeinetkerlerge, Auǧan soǧysy ardagerlerı men Chernobyl apatynyŋ zardabyn joiuǧa qatysqandarǧa jeŋıldık jasaldy. Olar 60 teŋgemen jüredı.
SOLTÜSTIK QAZAQSTAN OBLYSY
Petropavlda köpten kütken jaŋa meşıt halyq igılıgıne berıldı. Kümbezı kökpen talasqan zäulım ǧibadathana Konstitusiia merekesı qarsaŋynda qala tūrǧyndaryna tamaşa tartu boldy. Meşıt mūnarasynyŋ biıktıgı – 32 metr. Joba qūny 1 milliard teŋgeden asyp jyǧyldy. Alla üiınde bır uaqytta 500-den astam adam qūlşylyq ete alady.
