Astana
1 mausymnan 31 şıldege deiın elordada mektepterdıŋ, kolledjderdıŋ jäne äleumettık qyzmet körsetu ortalyqtarynyŋ negızınde 6 men 74 jas aralyǧyndaǧy qala tūrǧyndary üşın sifrlyq sauattylyq kurstary ūiymdastyrylady.
Almaty oblysy
Endı almatylyqtar elımızdegı eŋ tanymal turistık oryndardyŋ bırı – Alakölge ūşaqpen jete alady. Bügın Almaty äuejaiynan Üşaralǧa alǧaşqy reis kökke köterıledı. Ūşaqtar aptasyna bes ret qatynaityn bolady. Almaty–Üşaral–Almaty baǧytyndaǧy ūşaqtar biletınıŋ bır baǧyttyq qūny – 10 myŋ teŋge.
Atyrau oblysy
İsatai audanyndaǧy Qyzylüi auyly 105 jyldyǧyn atap öttı. Merekege orai «Menıŋ auylym» şarasy ūiymdastyrylyp, auyl tūrǧyndary Qyzylüidıŋ ırgetasy 1913 jyly qalanǧanyn aiǧaqtaityn stela-belgınıŋ ornatyluyna jäne eldı mekenge tartylǧan taza auyzsu qūbyry men su taratu ǧimaratynyŋ paidalanuǧa berılu räsımıne kuä boldy.
Maŋǧystau oblysy
Tüpqaraǧan audanyna qarasty Saiyn Şapaǧatov auylynyŋ tūrǧyny – 13 jastaǧy Ämırhan Darhan 4 bauyryn, iaǧni 9, 11 jasar ınılerı men 2, 4 jastaǧy ekı qaryndasyn örtten aman alyp qaldy. Ört tūtanǧan kezde balalardyŋ ata-anasy tüngı kezekşılıkte jūmysta bolǧan. Oqiǧany eske alǧan Darhan tek bauyrlaryn qūtqaru basty maqsaty bolǧanyn aitady.
Oŋtüstık Qazaqstan oblysy
Otyrarlyq tūrǧyn tuǧan jerıne sport keşenın salyp berdı. Qasiettı Ramazan aiynda Aqtöbe auylynda zamanaui talapqa sai 240 oryndyq
Äuesbek Qambarov atyndaǧy sport keşenın salyp bergen jeke käsıpker Esbol Qambarov auyl tūrǧyndaryn zor quanyşqa kenelttı.
Qyzylorda oblysy
Jalaǧaş audanynda «Dombyra-duman» atty dombyraşylar şeruı ötıp, bır mezgılde 100 önerpaz Qūrmanǧazy küilerın oryndady. Şaraǧa muzyka mektebı mūǧalımderı, oquşylary, etno top dombyraşylary, «Mūrager» dombyraşylar ansamblınen qūralǧan önerpazdar qatysty.
Aqtöbe oblysy
Aqtöbe qalasynda aşarşylyq jäne quǧyn-sürgın qūrbandaryna arnalǧan eskertkış belgı qoiylyp, şaǧyn alleia qaita qalpyna keltırılude. Qazır eskertkış ornatu, kögaldandyru, ärleu jūmysy jürıp jatyr. Barlyǧy 6 joba ūsynylyp, oblystyq, respubikalyq komissiia eŋ üzdıgın taŋdap aldy.
