Aqmola oblysy
«Ruhani jaŋǧyru» baǧdarlamasy aiasynda «Abylai hannyŋ qara joly» ekspedisiiasy saparǧa attandy. Burabaidaǧy Kökşe tauynyŋ etegındegı Abylai han alaŋynan attanǧan ekspedisiia on kün boiy 18-şı ǧasyrdaǧy «Kökşetau-Aqmola-Ūlytau-Türkıstan» keruen jolymen jürıp ötpek.
Qyzylorda oblysy
Şielı audanynda salynyp jatqan sement zauytynda 662 adam jūmys ısteidı. Bügınde qūrylys alaŋynda jūmystyŋ 90 paiyzy aiaqtalǧan. Jaŋa öndırıs orny 2018 jyldyŋ jeltoqsan aiynda paidalanuǧa berıledı.
Almaty qalasy
Qazaq ūlttyq zertteu jobalau institutynyŋ mamandary qala bilıgıne eskı üilerdı sürudı talap ettı. Ötken ǧasyrdyŋ 30-40 jyldary aralyǧynda salynǧan üiler karkas pen qamystan, aǧaştan tūrǧyzylǧan. Eskı üiler seismologiialyq talaptarǧa sai kelmei tūr.
Türkıstan oblysy
Türkıstanda 330 köşege jaŋadan atau berıledı. Aldaǧy uaqytta atalmyş köşelerge Kültegın, Qaztuǧan jyrau, Hanqorǧan, Alty Alaş, Mäŋgılık El, Elım-ai, Bolat han, Kültöbe siiaqty ataular berıletın boldy.
Batys Qazaqstan oblysy
Oral qalasynda sirek kezdesetın kıtaptar muzeiı aşyldy. Ondaǧy köne jädıgerler qatarynda kölemı nebärı 3-5 santimetr bolatyn kıtaptar da bar. Aqjaiyq öŋırınıŋ tarihy men tabiǧaty turaly jazbalar da qūndy mūralar qataryna qoiylǧan.
Qostanai oblysy
Qostanai oblysynyŋ emdeu mekemelerıne 280 därıger jetıspeidı. Anesteziolog, reanimatolog, akuşer-ginekolog siiaqty mamandar asa qajet eken. Qazırgı uaqytta jūmys ıstep jatqandardyŋ 36 paiyzy – zeinetkerlık jasqa jetkender nemese jaqyndap qalǧandar.
Şyǧys Qazaqstan oblysy
Semeide Rubik tekşesın qūrastyrudan kezektı bırınşılık öttı. Jarysqa respublikanyŋ är aimaǧynan 9-39 jas aralyǧyndaǧy 60-qa juyq ziiatker qatysty. Jeŋımpazdar medal, maqtau qaǧazy jäne arnaiy aqşalai syilyqtarmen marapattaldy.
