ASTANA
Elordada «Asyl ana» respublikalyq festivalı öttı. 150-ge juyq äiel qatysqan şarada türlı sala boiynşa üzdıkter anyqtaldy.
PAVLODAR OBLYSY
Baianauyl audanynyŋ üş auylyna Qanyş Sätbaev, Mūsa Şormanov jäne Mäşhür Jüsıp esımderı berıldı.
QARAǦANDY OBLYSY
Öŋırde galluazittı nanotütıkşelerden tūratyn antikorroziialyq jabyndar şyǧaratyn öndırıs orny aşylady. Atalǧan jobany aimaqtaǧy maşina jasau zauyty sapaly metall jasau üşın qoldanysqa engızedı.
TÜRKISTAN OBLYSY
Ordabasy audanynda halyqtyŋ 6,9 paiyzy ǧana kögıldır otynmen qamtylǧan. Beineu-Bozoi-Aqbūlaq gaz magistralı ötetın audandaǧy 57 auyldyŋ bes-altauyna ǧana gaz tartylǧan. Audandy gazben tolyǧymen qamtu jūmystary 2021 jyly aiaqtalady.
JAMBYL OBLYSY
Baizaq audanynyŋ tört eldı mekenınde ortalyqtandyrylǧan taza auyzsu jüiesınıŋ qūrylysy aiaqtaldy. Būl jūmystarǧa respublikalyq qazynadan 1 milliard 400 million teŋge bölıngen.
ALMATY OBLYSY
Ile audanynyŋ Aqşi auylyndaǧy şipajaida şūbatpen emdeu kursy aşyldy. Mūnda 15 kündık kurs arqyly aǧzany tazartu, qalpyna keltıru, immundyq jüienıŋ jūmysyn jaqsartu jürgızıledı.
ŞYǦYS QAZAQSTAN OBLYSY
Serebriansk qalasynda 120 oryndyq balabaqşa paidalanuǧa berıldı. Nysan memlekettık-jekemenşık ärıptestık jobasy aiasynda salyndy.
SOLTÜSTIK QAZAQSTAN OBLYSY
Öŋırge biyl «Nätijelı jūmyspen qamtudy jäne jappai käsıpkerlıktı damytu» baǧdarlamasy şeŋberınde Türkıstan, Jambyl, Qyzylorda, Almaty oblystarynan 690 otbasy qonys audarady.
QYZYLORDA OBLYSY
Oblys ortalyǧynda «Ruhani jaŋǧyru» ortalyǧy men muzei aşyldy. Būrynǧy Qazaq ortalyq atqaru komitetı ǧimaratynyŋ syzbasy negızınde salynǧan muzeige 500-den asa jädıger qoiyldy.
