Astana
Elordadaǧy Ūlttyq muzeide «Külımdegen älem» atty körme aşyldy. Onda koreialyq tanymal suretşı Li Cholsudyŋ älemge äigılı grafikalyq tuyndylary qazaqstandyq önersüier qauymǧa alǧaş ret ūsynyldy.
Almaty
Oŋtüstık megapoliste taǧy bırneşe baǧyttardyŋ avtobustary jaŋardy. Osylaişa qaladaǧy kölıktı reformalau jäne jolauşy kölıgınıŋ tūraqty jüiesın qalyptastyru aiasynda jyljymaly qūramdy jaŋartu odan ärı jalǧasyp jatyr.
Qostanai oblysy
Ataqty halyq batyry, qūralaidy közge atatyn mergen, aŋyz adam Keikı Kökembaiūlynyŋ bas süiegı Amangeldı audanyndaǧy A.İmanov atyndaǧy memorialdyq mūrajaiǧa qoiyldy.
Qyzylorda oblysy
«Qazpoşta» AQ Qyzylorda filialy kelesı jyldan bastap alys-jaqyn şalǧai jerlerge jedel baruǧa tiıstı zattar dronmen jetkızetın bolyp otyr. Ol tek gazet-jurnaldar ǧana emes, sondai-aq salmaǧy 5 kilogrammǧa deiıngı şaǧyn sälemdemelerdı de tasityn bolady.
Aqtau
Maŋǧystau oblystyq onkologiialyq dispanserı 2019 jyly paidalanuǧa berıledı. Biyl onyŋ toqtap qalǧan qūrylysy qaita qolǧa alyndy. Mūnda diagnostikalyq ortalyq, 100 oryndyq auruhana bolady.
Şyǧys Qazaqstan oblysy
Öskemen qalasynda bos jer uchaskelerı men injenerlık kommunikasiialar elektrondy kartasynyŋ tūsaukeserı öttı. Onda kartografiialyq derekter, qala qūrylysy reglamentterı, jer uchaskelerı körsetılgen.
Pavlodar oblysy
Pavlodar oblysynda dändı daqyldardyŋ 60 paiyzǧa juyǧy jinalyp bıttı. Keibır audandardaǧy astyqtyŋ şyǧymdylyǧy gektarynan 30 sentnerden ainaldy. Jalpy, öŋır boiynşa astyqtyŋ ortaşa şyǧymdylyǧy gektarynan 11,4 sentnerdı qūrady.
Qaraǧandy oblysy
Oblystyq beineleu önerı mūrajaiynda Ömırkeldı Äbeuovtyŋ bıregei surettı kılemder jeke körmesı aşyldy. Körmege äsemdık-qoldanbaly önermen ainalysatyn şeberdıŋ 35 jūmysy qoiylǧan.
Batys Qazaqstan oblysy
Şyŋǧyrlau audanynda qazba jūmystary qaita qolǧa alynady. Būl M.Ötemısov atyndaǧy universitet pen audan äkımdıgı arasynda tarihi-arheologiialyq jädıgerlerdı zerttep, tanyp bılu maqsatynda ekı jaqty memorandumǧa qol qoiyluy
