Astana
Aldaǧy 19-20 qazanda elordada jastardyŋ densaulyǧyna jäne sapaly bılım aluyna arnalǧan halyqaralyq konferensiia ötedı. Oǧan memlekettık organdardyŋ, halyqaralyq jäne ükımettık emes jastar ūiymdarynyŋ ökılderı, sondai-aq otandyq jäne älemnıŋ 37 elınen saiasi sarapşylar qatysady.
Aqtöbe oblysy
Elbasy Aqtöbe oblysyna barǧan saparynda aimaqtaǧy bes nysandy aralap, öŋırde atqarylyp jatqan jūmystarǧa oŋ baǧa berdı.
Almaty
QR Terrorizmge qarsy ortalyǧynyŋ ūiymdastyruymen Almaty qalasynyŋ halyqaralyq äuejaiy aimaǧynda «Dabyl-Antiterror – 2018» respublikalyq jedel-taktikalyq oqu jattyǧuy öttı.
Maŋǧystau oblysy
Öŋırde «7-20-25» ipotekalyq tūrǧyn üi nesieleu baǧdarlamasy negızınde ekınşı deŋgeilı banktermen 1,6 mlrd teŋgege 194 ötınım qoldauǧa ie boldy.
Qostanai oblysy
Arqalyq qalasynda bır köp qabatty tūrǧyn üidı ört şalyp, odan 40 adam qauıpsız jerge köşırılgen. Ört şyqqan päterden 5 bala qūtqarylǧan. Aldyn ala boljam boiynşa, ört gaz ballony reduktorynyŋ aqauynan bolǧan.
Qyzylorda oblysy
Qyzylordada kögaldaǧy hokkeiden el bırınşılıgı bastaldy. Chempionattyŋ şeşuşı ainalymynda Jambyl, Qyzylorda oblystarynan, Oral, Qaratau, Şu qalalarynan jäne Syrdariia, Qazaly audandarynan tört jas erekşelıgı boiynşa 7 komanda synǧa tüsedı.
Soltüstık Qazaqstan oblysy
Oblys ortalyǧynda Qojabergen jyraudyŋ eŋselı eskertkışı aşyldy.
Pavlodar oblysy
Pavlodar qalasynda Būqar jyraudyŋ 350 jyldyǧyna orai Qaraǧandy oblystyq tarihi-ölketanu muzeiınıŋ «Arqanyŋ asyl mūrasy» atty körmesı ötude.
Türkıstan oblysy
Şardara qalasynda alǧaş ret «Safari Shardara» halyqaralyq tüieşılerdıŋ festivalı ötedı. Qonaqtar Qyzylqūm öŋırınıŋ tabiǧatymen tanysyp, türlı oiyn-sauyqtar men sporttyq jarystardy tamaşalaidy. Sondai-aq festival aiasynda avtokölıkterdıŋ qūmdaǧy jarysy men kompozisiialyq «Rock racing» şouy ūiymdastyrylady.
