Almaty
Almatyda «Smart City» jobasy aiasynda italiandyq investisiia esebınen kölıktı minutpen jalǧa beretın «Anytime» karşering-servisı aşyldy. Jalǧa alǧan avtomobilmen tek şahar ışınde ǧana emes, qala syrtyndaǧy Medeuge, Ülken Almaty kölıne, tıptı Qapşaǧaiǧa deiın baruǧa bolady.
Aqmola oblysy
Bırjan sal audanynda Biler keŋesı qūryldy. Būl keŋeske qazaq biler soty qyzmetınıŋ negızgı prinsipterın jaŋǧyrtyp, onyŋ ışınde daulasqan taraptardy dana şeşımderımen tatulastyru missiiasy jüktelıp otyr.
Qostanai oblysy
Biyl Qostanai oblysynda 5 mln 214 myŋ tonna astyq jinalyp, ortaşa tüsım 12,8 sentnerdı qūrady. Al qazan aiynyŋ basynan berı 73 myŋ tonna bidai temır jol vagondaryna tielıp, onyŋ 54,6 myŋ tonnasy eksportqa şyǧaryldy.
Qyzylorda
Oblys ortalyǧynda «Qorqyt-Qobyz» respublikalyq baiqauy ötıp, 17-55 jas aralyǧyndaǧy 17 önerpaz baq synady. Baiqau qorytyndysy boiynşa astanalyq Şolpan Şarapatova bas jüldenı qanjyǧalady.
Türkıstan oblysy
Sozaq audanynyŋ 90 jyldyǧy qarsaŋynda 24 nysan paidalanuǧa berıldı. Būdan bölek, osy audanǧa qarasty Şolaqqorǧan, Juantöbe, Jartytöbe, Syzǧan Qyzylköl auyldarynyŋ negızgı köşelerı jaryqtandyryldy.
Maŋǧystau oblysy
Aqtaulyq ǧalymdar elektromobildı quattaityn stansa jasaqtady. Ekı stansanyŋ tolyq quattau siklı üş saǧattan tūrady. Mūnda künıne 8 kölıktı quattauǧa bolady.
Qaraǧandy oblysy
«Biznestıŋ jol kartasy – 2020» baǧdarlamasy boiynşa Qaraǧandyda jas käsıpkerler mektebı aşyldy. Mūnda 18-29 jas aralyǧyndaǧy jastarǧa därıs ötkızıledı. Oqytu barysynda tyŋdauşylarǧa biznes qūru kezınde qandai zaŋnamalyq, ekonomikalyq jäne äleumettık mäselelerdıŋ kezdesetını turaly aitylady.
