Astanadan auylǧa deiın…
Astana
Tūŋǧyş Prezident kıtaphanasynda «Mäŋgılık el ideiasy: tarihy men bolaşaǧy» atty respublikalyq ǧylymi konferensiia öttı. Jiynǧa otandyq ǧalymdar, doktoranttar men magistranttar qatysty. Şara soŋynda olar «Qazaqstan joly: mäŋgılık el» monografiiasyn şyǧaruǧa uaǧdalasty.
Almaty
Almatyǧa qalaışılık jolauşy tasymaldauǧa arnalǧan 200 jaŋa avtobus äkelındı. Syiymdylyǧy ülken jaŋa avtobustar №12, 19, 56, 70, 77, 123, 124, 137 marşruttary boiynşa jüredı.
Şymkent
Şymkentte «Qazpoştanyŋ» sifrly keŋsesı aşyldy. Mūnda tek 2 keŋesşı ǧana azamattarǧa kömek körsetedı. Qalǧan qyzmetterdıŋ barlyǧy avtomattandyrylǧan.
Şyǧys Qazaqstan oblysy
Ürjar audanynda «Tarbaǧatai» memlekettık ūlttyq tabiǧi saiabaǧy aşyldy. Jaŋa saiabaq 6 türlı klasterlık jer telımderınen tūrady. Onyŋ erekşelıgı, mūnda ösımdıkterdıŋ özge aumaqta kezdespeitın Qyzyl kıtapqa engen 35-ten asa türı bar.
Batys Qazaqstan oblysy
H.Bökeeva atyndaǧy oblystyq qazaq drama teatrynda «Mūqaǧali, Nūrǧisa» dramasy sahnalandy. Oqiǧa qazaqtyŋ bırtuar tūlǧalary – kompozitor Nūrǧisa Tılendiev pen aqyn Mūqaǧali Maqataevtyŋ arasynda örbidı. Spektakl aqynnyŋ kompozitorǧa amanattap ketken «Esıŋe menı alǧaisyŋ» öleŋıne än jazumen tüiındeledı.
Maŋǧystau oblysy
Aqtauda qoqystardy sūryptap saluǧa arnalǧan jäşıkter qoiyluda. 4 jäşıktıŋ bırı şynyǧa, ekınşısı plastik būiymdar men qaǧazdarǧa, soŋǧy ekeuı tūrmystyq qaldyqtarǧa arnalǧan. Mūndai jäşıkter qazırgı uaqytta 8-şaǧyn audandaǧy 5 üidıŋ janyna ornatyldy.
Türkıstan oblysy
Türkıstanda qala künı merekesı atalyp öttı. Halyqaralyq türkı älemınıŋ forumyna kelgen Türkiia, Ündıstan, Özbekstan, Bolgariia, İran, Resei, Daǧystan elderınıŋ ädebietşılerı men aqyn-jazuşylary qala künıne arnalǧan merekelık şarasyna arnaiy qatysty.
Atyrau oblysy
Qaiyrymdylyq ailyǧyna orai Qaiyrşaqty auyldyq okrugınıŋ äkımdıgı men käsıpker Asylbek Sūltanov öŋırdegı qarttar men mümkındıgı şekteulı jandarǧa arnaiy as berdı. Dastarqannan däm tatqan 80-nen asa qonaq şarany ūiymdastyruşylarǧa alǧystaryn aitty.