Astanadan auylǧa deiın…
Astana
Elordada elektromobilderge ǧana arnalǧan kölık tūraǧy aşylady. Mūndai şara 2018-2020 jyldarǧa arnalǧan qorşaǧan ortany sauyqtyru jönındegı keşendı josparda qarastyrylǧan.
Almaty oblysy
Äuezov audanyna qarasty «Sairan» halyqaralyq avtovokzalynyŋ aumaǧyna jaŋǧyrtu jūmystary jürgızılıp, halyqaralyq standarttarǧa säikestendıru jürgızılude. Osy uaqytqa deiın 120 qūrylys nysany, sonyŋ ışınde 100 sauda ortalyǧy men 20 dämhana qalpyna keltırılgen. Endı beinebaqylau, fastfud, Wi-fi aimaqtary, mūz aidyny, zamanaui taksomotorly tūraq jäne jaŋa bilet satu terminaldary ornatylatyn bolady.
Aqtöbe oblysy
Temır audanynda barlyq mektepterde qazaqtanu kursy aşyldy. Ūlttyq salt-dästürdı jaŋǧyrtuǧa arnalǧan kursta oquşylardy dombyra şertuge üiretedı. Sabaqtar tegın ötkızıledı.
Şyǧys Qazaqstan oblysy
Semeidegı maşina qūrastyru zauytynda jyl soŋyna deiın ärtürlı modeldegı 700 jük kölıgı şyǧarylady. Halyq mınıp jürgen ärbır ekınşı kölık elımızde qūrastyrylǧan. Onyŋ ışınde äsırese «Ural» avtokölıkterı erekşe sūranysqa ie. Kölıkter 6-dan 22 tonnaǧa deiın jük tasi alatyn.
Türkıstan oblysy
Oblys aumaǧynda «Dästürlı qūndylyqtar keruenı» taqyrybynda köşpelı jiyndar ötude. Halyqqa mädeni, ruhani, dıni tūrǧyda tüsındıru jūmystaryn jürgızu maqsatynda ūiymdastyrylǧan osyndai şaralar būǧan deiın Arys qalasy men Saryaǧaş, Maqtaaral, Jetısai, Keles, Şardara, Qazyǧūrt jäne Tölebi audandarynda ötkızıldı.
Qyzylorda oblysy
Qyzylordalyq memlekettık qyzmetkerler zaŋsyz berılgen syilyqtaryn tapsyruda. Naqty aitqanda, 8 qyzmetker memlekettık qyzmet körsetkenı üşın azamattardan alǧan syi-siiapatyn arnaiy qorǧa ötkızdı. Jyl basynan berı osyndai 22 syilyq arnauly qordaǧy qūndy zattar naryqtyq bölşek saudaǧa şyǧarylyp, tüsken qarjy respublikalyq biudjetke audarylady.
Maŋǧystau oblysy
Mūnaily audanynda üidı dezinfeksiialau saldarynan 5 adam ulanyp, olardyŋ ekeuı qaitys bolǧan. Dezinfeksiia jürgızgen kompaniianyŋ mamany uaqytşa ūstau izoliatoryna qamauǧa alyndy. Belgılı bolǧandai, qaitys bolǧandar qandalaǧa qarsy «Kvik-fo» preparatynan ulaǧan.
Qaraǧandy oblysy
Jeltoqsan aiynda «Jaltyrbūlaq» ken ornynyŋ şikızatyn qaita öŋdeitın seh aşylady. Atalmyş joba oblystyŋ Käsıpkerlıktı damytu kartasyna engızılgen. Jalpy qūny – 3,4 milliard teŋge. 123 adamdy jūmyspen qamtyǧan öndırıs ornynyŋ jyldyq quaty 515 myŋ tonna tūnba äzırleuge şaqtalǧan.