Astana
Astana qalasynyŋ mamandandyrylǧan audanaralyq sotynda «Tüngı sot» pilottyq jobasy ıske qosyldy. Onda keşkı saǧat 18:30-dan bastap tüngı 22.00-ge deiın jol-kölık erejesın būzuǧa qatysty äkımşılık ıster qarastyrylady.
Oŋtüstık Qazaqstan oblysy
Şymkentte Astana qalasynyŋ 20 jyldyq merekesıne orai «Beket batyr» arbaty resmi türde aşyldy. Onyŋ ūzyndyǧy – bır şaqyrym şamasynda. Mūndaǧy 3600 şarşy metr aumaq kögaldandyrylyp, 2000 şarşy metr jerdı jaiau jürgınşılerge arnalǧan jolǧa ainaldyrdy.
Almaty
Qazaq memlekettık qyzdar pedagogikalyq universitetınde latyn grafikasynyŋ ortalyǧy aşyldy. Onyŋ tūsauyn QR Memlekettık hatşysy Gülşara Äbdıqalyqova kestı. Būl jobany jüzege asyruǧa 16 mln teŋge jūmsalmaq.
Şyǧys Qazaqstan oblysy
Ürjar audanynyŋ jastary qasiettı Ramazan aiynda «Qaiyrymdylyq pen jomarttyq» atty keş ūiymdastyryp, jinalǧan qarajatqa bırneşe otbasyǧa kömek körsettı.
Pavlodar oblysy
Pavlodarlyqtar «Özgeşe sen» respublikalyq şarasyn qoldap, jaǧalauda taŋerteŋgılık gimnastika jasaidy. Qala tūrǧyndary kündelıktı jattyǧudy saǧat 9:30-dan bastaidy. Şara 21 mausymǧa deiın jalǧasady.
Qostanai oblysy
Qostanaidyŋ tärtıp saqşylary qylmystyq ısterdı elektrondy formatta jürgıze bastady. Qylmys prosesın sifrlandyru aiǧaqtardy jinau jūmysyn oŋtailandyryp, ıs jürgızu qūjattaryn daiyndauǧa, şyǧyn men jüktemenı azaituǧa kömektesedı.
Aqtöbe oblysy
Hromtauda «Bios» medisinalyq ortalyǧy boi köterdı. Audanda aşylǧan mekemede
15 nauqas em alyp jatyr. Būryn tūrǧyndar oblys ortalyǧyna kelıp emdeluge mäjbür bolatyn.
Aqmola oblysy
Burabai kurorttyq aimaǧynda «Qulager-Burabai» emdik-ashanalyq suy tanystyryldy. Būl şipaly su Kökşetaudyŋ qyrqasyndaǧy «Qūlager-Arasan» ken ornynda şyǧarylady.
