Astanaǧa qolaily 4 mobildı qosymşa

Bügınde ärkımnıŋ ielıgındegı ūialy telefon kışıgırım kompiuterge ainalǧany anyq. Bailanys qūraly özınıŋ tıkelei qyzmetınen bölek, adam ömırın jeŋıldetu üşın oilap tabylǧan. Ärine, eger onyŋ barlyq mümkındıkterın dūrys paidalana alsaq. «Aqyldy» telefon arqyly bırtındep «aqyldy» Astanaǧa jol salynyp jatyr. Osy oraida «Astana aqşamy» gazetı elordalyqtar men qala qonaqtaryna kündelıktı tırşılıkte paidaly bolatyn  4 mobildı qosymşany nazarlaryŋyzǧa ūsynady.

1. Smart Astana
Būl mobildı qosymşa, aty aityp tūrǧandai, Astananyŋ eŋ innovasiialyq jobasyna ainaludy közdeidı. Qosymşaǧa kırgen soŋ «Bükıl qala senıŋ smartfonyŋda» degen jazu şyǧady. Rasymen de, qalaǧa qatysty barlyq kerek mälımettı osy jerden tabasyz. «Astana Innovation» kompaniiasynyŋ basqarma töraǧasy Oljas Sartaevtyŋ aituynşa, qosymşanyŋ jaŋartylǧan nūsqasynda 60-tan astam memlekettık qyzmet türı körsetılgen. Sondai-aq, 12 kommersiialyq mekeme öz qyzmetterın ūsynady. Bügınde kabinetterdı aralap, kezekte tūryp, äldeqaida qoŋyrau şaludyŋ qajetı joq deidı qūrastyruşylar. Kez kelgen azamat qala äkımdıgınıŋ basşylyǧyna, onyŋ ışınde audan äkımdıkterı men qalalyq basqarmalardyŋ qabyldauyna osy jerde jazyla alady. Qosymşa arqyly därıgerdı üige şaqyruǧa nemese onyŋ qabyldauyna jazyluǧa, balaŋyzdyŋ balabaqşaǧa kezegın bıluge, kommunaldyq qyzmetterdı töleuge, poiyzdar men avtobustar kestesın qarauǧa jäne özge qyzmetterdı paidalanuǧa mümkındık bar.
Halyq arasynda keŋınen tanylǧan naimi.kz – üi şaruasyna qajet mamandardyŋ bazasy, hipo.kz – jūmys ızdeu portaly, gippokrat.kz – därı-därmekterdı ızdeu jäne tapsyrys beru orny, zenge.kz – tamaqqa tapsyrys beru saity Smart Astana qosymşasynda bırıktı.

Eskertpe: Qosymşa künnen-künge jetılıp, az-kem kemşılıkter aqyryndap joiyluda. Smart Astana-nyŋ basty kemşılıgı – qazaq tılınde jetık «söilemeitını».
Mobildı qosymşany jasauşylar tehnikalyq aqau­lar bolǧan jaǧdaida support_sa@e-akimat.kz poştasyna nemese https://t.me/smartastanabot telegram chat-
botyna mındettı türde jazudy ötınedı. Sonymen qatar, smart.astana.kz portalynda tehnikalyq kömek retınde onlain-chat jūmys ıstep tūrady. Qosymşanyŋ jūmysy jaily eskertuler men tılekterıŋızdı de sol jerge jıberuge bolady.

2. «Astra bus» qosymşasyn telefonǧa jükteseŋız,
qaladaǧy qoǧamdyq kölıkter turaly barlyq maǧlūmatty tabasyz. A nüktesınen B nüktesıne deiın jetu üşın özıŋızge kerek mekenjaidy terıp, däl sol mezette qandai avtobus qai jerde jürıp kele jatqanyn köresız. Osylaişa, öz baǧdaryŋyzdy aldyn ala josparlaisyz. Sondai-aq, mobildı qosymşada avtobus marşruttarynyŋ kestesı men jüru intervaly tügel berılgen. Kölık qozǧalysyna qatysty eŋ soŋǧy jaŋalyqtar da osynda. Tura osy qosymşada 574-777 nömırıne habarlasyp, qoǧamdyq kölıktıŋ jūmysyna qatysty öz ūsynystaryŋyz ben ötınışterıŋızdı qaldyra alasyz.
Eskertu: Äzırşe qosymşa barlyq avtobustardyŋ jürıp ötken jolyn körsetpeidı. Qalada 20-dan astam №9 baǧdarly avtobus bar desek, olardyŋ üş-törteuı ǧana Astra bus mobildı qosymşanyŋ qyzmetıne qosylǧan. Jaŋadan satyp alynǧan avtobustar bırtındep būl jüiege engızıletın bolady. Ökınıştısı, interfeistıŋ tılı tek orys tılınde.

3. Ticketon.kz
Şaharda körsetılıp jatqan kinolar, teatrdaǧy qoiylymdar, türlı konsertter jäne sporttyq şaralar jaily aqparatty Ticketon.kz mobildı qosymşasy arqyly bıle alasyz. Jaqsysy, däl osy jerde qalaǧan şaraǧa bilettı üiden şyqpai-aq satyp aluǧa bolady.
Eskertu: Qazırgı taŋda qosymşada elordadaǧy barlyq mädeni oryndar turaly aqparat joq. Mobildı qosymşaǧa qaraǧanda ticketon.kz saitymen jūmys ısteu äldeqaida jeŋılırek. Qosymşanyŋ eŋ bır osal tūsy osy der edım.

4. Point +.
Köşe boiynda tūryp, jaqyn maŋdaǧy bankomatty Google-dan ızdep tūrmau üşın būl mobildı qosymşany jükteuge keŋes beremız. Qosymşa özıŋızge qajet bank bölımşelerı men bankomattardyŋ qai jerde ornalasqanyn, aiyrbastau bölımşelerı men valiutanyŋ aǧymdaǧy kursyn körsetıp tūrady. Sondai-aq, notariustar, zeinetaqy qorlar, saqtandyru kompaniialar, halyqqa qyzmet körsetu ortalyǧynyŋ mekenjaiyn körıp qana qoimai, sız tūrǧan jerden qanşalyqty alşaq ornalasqanyn bıle alasyz. Point + qosymşasynda ūialy telefon operatorlarynyŋ bölımşelerı turaly da aqparat bar.
Eskertu: Keibır mekenjailar derekter bazasynda saqtalmaǧan.

Güldana TALǦATQYZY