Erke Esıl jaǧasynda jaiqalǧan «Arai» saiabaǧynda «Astana aqşamy» jäne «Vecherniaia Astana» gazetterınıŋ alleiasy aşyldy. Osyǧan bailanysty ekı basylymdy bır şaŋyraq astynda bırıktırgen jauapkerşılıgı şekteulı serıktestık direktory Sergei Kuzovnikov bastaǧan ūjym müşelerı ūiymdasqan türde 25 tüp tal ektı. Būl mereitoilyq mezıret şarasyna qatysqan qalamdastar özderıne laiyqty qūrmet körsetken qalalyq äkımdıkke riiasyz köŋılden rizaşylyqtaryn bıldırdı.
– Arada ainalyp jyldar öter. Bız otyrǧyzǧan mynau köşetter kökke moiyn sozǧan biık bäiterekke ainalar. Bälkım, sol kezde osynda kelıp, nemere-şöberelerımızben qydyrarmyz. Olardy oinatyp qana qoimai, elordanyŋ eseiu joldary turaly emırene estelıkter aitarmyz. Bas şaharda at basyn arnaiy būryp barar menşıktı müiısımızdıŋ bolǧany qandai ǧanibet, – deidı quanyştan jüzderı balbūl janǧan ärıptesterımız.
Şyn jürekten şyqqan leptı lebızderge eşqandai alyp-qosarymyz joq.
Astana ömırınıŋ ainasyna ainalǧan qos ünjariia oily oqyrmandaryn älı talai tatymdy dünielerımen quantaryna senımımız mol.
Talǧat BATYRHAN
