İnşalla, qoi jyly astanalyqtar üşın qolaily bolyp tūr. Elorda halqynyŋ sany 2015 jylǧy 1 mausymdaǧy mälımet boiynşa 861 968 adamǧa jettı. Būl – resmi derek. Al, bas qalaǧa respublikanyŋ tükpır-tükpırınen näpaqa ızdep kelıp, tırkelmegen bauyrlarymyzdy qossaq, ösım būdan da joǧary boluy äbden mümkın.
Qazaq balany jaqsy körgen. «Bır qozy tusa, bır tüp jusan artyq şyǧady» deuı sodan. Sol dästürımızdı jalǧastyryp, äleumettık-tūrmystyq jaǧdaiymyz tüzele tüsse, demografiialyq körsetkışterımız būdan da joǧary bolaryna senım mol.
Qarap otyrsaq, jyl basynan berı elordalyqtar 9086 adamǧa, sonyŋ ışınde Almaty audany boiynşa – 1002, Esıl audany boiynşa – 4621, Saryarqa audany boiynşa 3463 adamǧa köbeigen.
2015 jylǧy qaŋtar-mamyrda halyqtyŋ tabiǧi ösımı 8530 adamǧa, köşı-qon ösımı 556 adamǧa artypty.
Biyl bes aidyŋ ışınde Astana qalasynda 10128 säbi düniege keldı. Būl ötken jyldyŋ säikes kezeŋındegı körsetkışpen salystyrǧanda 5,6%-ǧa köp. Sondai-aq, halyqtyŋ tabiǧi ösımı de ötken jylǧy qaŋtar-mamyr aiyndaǧy körsetkışpen salystyrǧanda 4,9%-ǧa artyp, 8530 adamǧa jettı.
Taŋatar TÖLEUǦALİEV
