«Astana Opera» teatrynda «Astana Piano Passion – 2014» ekınşı Halyqaralyq klassikalyq muzyka festivalı jäne jas pianister baiqauy aiasynda osy konkurstyŋ byltyrǧy laureattarynyŋ konsertı ötedı. Jas şeberler körermenderdı taŋ qaldyrǧany sonşa, baiqaudyŋ Ūiymdastyru komitetı daryndy balalardy Astanada taǧy bır märte öner körsetuge şakyrdy. Olar belgılı jas pianister avstraliialyq Şuan Hern Li, mäskeulıkter Varvara Kutuzova, Aleksandr Kutuzov, İlia Bahtin jäne qazaqstandyq jas skripkaşy Ruslan Turuntaev. Balalar – önerge degen qūştarlyqtarymen, ynta-talaptarymen, ärtıstık qabıletterımen jetıstıkke jetkender. Barlyǧy belgılı halyqaralyq baiqaulardyŋ jüldegerlerı, bırneşe ret özderınıŋ jeke konsertterın bergen. Astana Piano Passion baiqauynyŋ jeŋımpazy atanu olardyŋ ömırınde ülken maŋyzǧa ie.
«Astanaǧa saiysqa qatysuşy emes, jeke ärtıs retınde kelu – ülken jauapkerşılık. Ärı bızdı öner körsetuge şaqyrǧandaryna öte quanyştymyz» deidı 10 jastaǧy Varvara Kutuzova. – Ötken jylǧy saiystan keremet äser alyp qaittym. Qazaqstannan köp dostar taptym. Qazır olarmen internet arqyly hat jazysyp otyramyz. Oǧan qosa kumirım Denis Masuevpen jaqynyraq tanystym. Būryn būl men üşın arman bolatyn. Qazır onyŋ konsertterınde öner körsetıp jürmın. Astanada ötken baiqau keremet ūnady. Ädemı qonaqüi, zäulım konsert zaldary, meiırımdı körermender, barlyǧy köŋılımnen şyqty. Bärınen būryn, dirijer Erjan Däuıtovtı aitsaŋyzşy?! Men önerımdı körsetıp, sahnanyŋ syrtyna barǧanymda, skripkaşy qyzdar menı qūşaqtap, qūttyqtap jatty. Sol kezde dirijer kelıp: «Men senı özımnıŋ qyzym siiaqty janyma jaqyn tartyp, jaqsylap öner körsetuge tyrystym» dedı. Sol kısımen jäne ädemı Astanamen tezırek qauyşqym kelıp jür. Astana – ertegıdegı qala siiaqty, öte keremet!».
Al, avstraliialyq Şuan Hern Li bolsa: «Mūndai keremet festivalǧa muzykant retınde şaqyrylyp otyrǧanym – men üşın ülken märtebe. Festival jetekşısı Denis Masuevpen kezdesuımdı asyǧa kütıp jürmın. Menı ol jaqta qazaqtardyŋ qonaqjailylyǧy taŋ qaldyrǧan bolatyn. Ärı baiqau öte joǧary deŋgeide ūiymdastyryldy. Teatr sahnalarynyŋ akustikasy, sypaiy körermender ärdaiym bızdı qoldap otyrdy. Bız oinaǧan aspaptardyŋ da sapasy joǧary» deidı.
Sondai-aq, osy baiqau aiasynda Reseidıŋ Halyq ärtısı Denis Masuev jäne Mäskeu filarmoniiasynyŋ solisı, Ekaterina Mechetinanyŋ konsertı ötedı.
Erkejan SÄTIMBEK
