Elorda äkımdıgı men qalalyq investisiia jäne käsıpkerlıktı damytu basqarmasynyŋ mūryndyq boluymen Astanada TMD elderı jäne Qytaidyŋ därıgerlerı men medisinalyq agentterıne arnalǧan aqparattyq tur ūiymdastyryldy. 20 mamyr men 1 mausym aralyǧynda elordanyŋ jetekşı medisinalyq nysandaryn aralaityn şeteldık qonaqtar Astananyŋ medisinalyq äleuetımen tanysu üşın şaqyryldy. Būl öz kezegınde elordadaǧy medisinalyq turizmdı damytuǧa septık etedı.
Tur barysynda atalǧan elderden kelgen medisina mamandaryna qalanyŋ eŋ üzdık emdeu mekemelerı, medisinalyq qyzmetterdıŋ negızgı baǧyttary, sonymen qatar qalanyŋ turistık infraqūrylymy tanystyryldy. Atap aitqanda, turǧa qatysuşylar «UMC» korporativtık qory, Ūlttyq balalardy oŋaltu ortalyǧy, Ūlttyq neirohirurgiia ortalyǧy, Ūlttyq ǧylymi onkologiia ortalyǧy, QR Prezidentı Is basqarmasy auruhanasynyŋ, Halyqaralyq «UMIT» tomoterapiia onkologiialyq ortalyǧynyŋ, Green Clinic, Razzak Residence Clinic, Doctor Dent, Callisto Beauty Clinic, Tulip Medicine siiaqty ūiymdardyŋ jūmysyn baryp kördı. Būl mekemeler onkologiia, kardiohirurgiia, neirohirurgiia baǧytynda emdeudıŋ ozyq ädısterın ūsynady jäne balalardy oŋaltu men ekstrakorporaldy ūryqtandyru mümkındıkterın körsetedı. Osy qyzmetterdıŋ şeteldık nauqastarǧa qalai körsetıletını turaly da tur barysynda tolyq mälımet berıldı.
Ūiymdastyruşylardyŋ aituynşa, byltyr elorda medisinasyna şeteldıkter tarapynan qyzyǧuşylyq artqany baiqaldy. Äsırese, kardiohirurgiia, neirohirurgiia, stomatologiia, balalar reabilitasiiasy jäne reproduktologiia salalaryna sūranys ösken. Mäselen, Qytaidan keletın nauqastar tarapynan EKŪ baǧdarlamasyna qyzyǧuşylyq köbeigen. Būl mūndai qyzmetke jahandyq auqymda sūranys joǧary ekenın jäne osy baǧytta Astanadaǧy medisinalyq qyzmet körsetu sapasyna senım ornaǧanyn bıldıredı. Osyǧan orai türlı elderdıŋ medisinalyq agentterı atalǧan baǧdarlamaǧa qatysuǧa belsendı türde şaqyrtyluda. Olardyŋ türlı elderden keletın medisinalyq turisterdıŋ qajettılıkterın tüsınuı men saraptauy Astana qalasynda tiıstı emdı qabyldau üşın jaily jäne tiımdı saiahatty qamtamasyz etuge mümkındık beredı.
Ūlttyq balalardy oŋaltu ortalyǧyna kelgen kezde qonaqtardyŋ bırı, äzerbaijandyq medisinalyq agenttık direktory Kamala Gulieva elorda medisinasyn joǧary baǧalady.
– Bızdı Astana qalasynyŋ äkımdıgı men qalalyq investisiia jäne käsıpkerlıktı damytu basqarmasy arnaiy şaqyrdy. Qazaqstan şetelden medisinalyq turister qabyldauǧa aitarlyqtai daiyn dep sanaimyn. Özım nauqastardy şetelderde emdeluge jıberumen ainalysamyn. Elordadaǧy emdeu mekemelerınıŋ jūmysymen tanysu barysynda köbınıŋ zamanaui talaptarǧa jauap beretın tehnologiialarmen jabdyqtalǧanyna közımız jettı. Äsırese, men sızdıŋ qalaŋyzdaǧy onkologiialyq ortalyq jūmysynyŋ joǧary deŋgeide ekenın aitqym keledı jäne menıŋ oiymşa osy baǧytta nauqastardy jıberuge äbden bolady, – dedı ol.
Is-şaranyŋ maqsaty – elordanyŋ medisinalyq turistık äleuetın tanystyru ǧana emes, sonymen qatar türlı elderdıŋ medisinalyq mamandary jäne agentterımen arada yntymaqtastyq pen ärıptestık bailanys ornatu.
