Jaqynda Burabai kurorty aimaǧynda dästürlı «Rixos Borovoe-2015» qaiyrymdylyq velojarysy öttı. Qoǧam qairatkerı, biznesmen Bolat Ötemūratovtyŋ «Asyl Miras» qaiyrymdylyq qory ūiymdastyrǧan aituly aksiia biyl üşınşı ret ızgılıkke qol sozǧan käsıpkerler men ataqty sportşylardyŋ basyn qosty.
Aqmola oblysy men Rixos Borovoe qonaq üiınıŋ qoldauymen ötken qaiyrymdylyq jarysqa Olimpiada oiyndarynyŋ chempiony Aleksandr Vinokurov pen «Astana» velokomandasynyŋ şabandozy «Tur de Frans» köpkündık velobäigesınıŋ jeŋımpazy Vinchenso Nibali qatysty. Jalpy 30 şaqyrymdyq jarysqa 335 adam qatysty. Ärine, būl jarysta jeŋımpaz aiqyndalǧan joq, är adamnyŋ qatysqany qaiyrymdylyqqa qosqan üles bolyp sanaldy. Jarystan keiın qaiyrymdylyq auksion ūiymdastyryldy. Saudaǧa Vinokurovtyŋ firmalyq «altyn velosipedı», Nibali, Şvedova, Diias sekıldı ataqty sportşylardyŋ baǧaly būiymdary, sonymen qatar Rixos Borovoe qonaq üiınıŋ demalys bölmelerı şyǧaryldy. Ūsynylǧan lottardy Qazsink, Beeline Kazakhstan, Kassa Nova, Forte Bank, «Vernyi kapital», «31 arna», «Altyntau Resources» kompaniialary jäne jekelegen käsıpkerler satyp aldy. Al kezektı lotqa qoiylǧan balalar üiınıŋ tärbelenuşılerı salǧan suretter eŋ joǧary baǧaǧa, atap aitqanda 30million teŋgege öttı. Jalpy būl jolǧy saudadan 105 million teŋge qarajat jinaldy. Būl qarajat aksiianyŋ bastapqy maqsaty boiynşa Şuchinsk qalasyndaǧy «Balalar üiıne» jäne Kökşetau qalasyndaǧy mügedek balalar internatyna qajettı qūral-jabdyqtar aluǧa jūmsalatyn bolady. Byltyr ötken qaiyrymdylyq aksiiadan tüsken 87 million teŋge Qyzylorda jäne Aqmola oblystyq perinetaldyq ortalyqtarynyŋ qajetıne jūmsalǧan bolatyn.
Sonymen, «Asyl Miras» qaiyrymdylyq qorynyŋ ızgılıktı şarasy biyl da sätımen öttı. Eŋ bastysy – jinalǧan qarajat balalar müddesıne jaraityn bolady.
Ǧalym QOJABEKOV
