Bas qalada mektepter arasynda asyq atu men bes asyq ūlttyq oiyndarynan jarys öttı. Oǧan Qazaqstannyŋ asyq atu federasiiasynyŋ prezidentı, eŋbek sıŋırgen jattyqtyruşy Jomart Sabyrjanov, Astana qalasy Bılım basqarmasynyŋ basşysy Qasymhan Senǧazyev qatysty.
Astana qalasy äkımdıgınıŋ «Örken» balalar men jasöspırımder dene tärbiesı ortalyǧy ūiymdastyrǧan saiysta jalpy bılım beretın mektepterdıŋ 477 oquşysy jarysty. Qazırgı kezde ūlttyq oiynnyŋ būl türımen 2000-ǧa tarta oquşy ainalysady.
«Örken» balalar men jasöspırımder dene tärbiesı ortalyǧynyŋ direktory Nūrlan Täjenovtıŋ aituynşa, asyq atu men bes asyqtan ūlttyq mektep ligasynyŋ jeŋımpazdary anyqtaldy. Oǧan 5-synyptan 11-synypqa deiıngı oquşylar qatysty. Jarys 30 qaŋtarda bastalyp, 11 aqpanda aiaqtaldy. Jeŋımpazdar säuır men mausym aiynda elımızdıŋ är qalasynda ötetın aqtyq jarystarǧa joldama aldy. Ekı oiyndy damytuǧa ärı därıpteuge Qazaqstannyŋ asyq atu federasiiasy qoldau körsetıp jatyr. Jarys jeŋımpazdary men jüldegerlerıne medal, diplom, kuboktar tapsyryldy.
