Qyrǧyzstan men Qazaqstannyŋ arasynda «azyq-tülık soǧysy» bastalyp ketkendei. Äuelı 8 qazanda Qyrǧyzstan Almaty jäne Soltüstık Qazaqstan oblystarynan qūs etı men jūmyrtqany tasymaldauǧa uaqytşa tyiym engızdı.
Ekı künnen keiın, 10 qazanda Qazaqstan Ükımetı Qyrǧyz Respublikasynyŋ veterinarlyq jäne fitosanitarlyq qauıpsızdık jönındegı memlekettık inspeksiiasynyŋ jariialaǧan şeşımınıŋ zaŋsyzdyǧyn aiyptady. «Almaty oblysynda soŋǧy 10 jylda eşqandai qūs aurulary tırkelgen joq. Soltüstık Qazaqstan oblysynyŋ Aiyrtau audanynda jariialanǧan qūstardyŋ Niukasl auruyna qatysty karantin 2018 jyldyŋ 19 qyrküiegınde toqtatyldy. Demek, Qyrǧyz Respublikasynyŋ Almaty jäne Soltüstık Qazaqstan oblystarynan qūs etı men jūmyrtqa tasymaldauǧa tyiym saluy zaŋsyz» dep habarlady Auyl şaruaşylyǧy ministrlıgınıŋ baspasöz qyzmetı.
Al 12 qazanda elımızdıŋ Auyl şaruaşylyǧy ministrlıgı Qyrǧyzstannan Qazaqstanǧa et äkeluge uaqytşa tyiym saldy. Qūzyrly vedomstvodaǧylar būl şaranyŋ «Qyrǧyzstan aumaǧynda januarlardyŋ asa qauıptı aurulary boiynşa qalyptasqan jaǧymsyz jaǧdaiǧa bailanysty» engızılgenın tüsındırdı. Atap aitsaq, Qazaqstanǧa et eksporttaityn qyrǧyzdyŋ 5 käsıpornyna şekteu qoiyldy. Būǧan qosa, 2012 jyldan berı jürgızılgen köşpelı inspeksiia jūmysynyŋ nätijesınde qyrǧyzdyŋ basqa 4 käsıporny «qara tızımge» kırgen bolatyn.
15 qazanda Qyrǧyzstan elımızden qūs etı men jūmyrtqa äkeluge şekteu qoiudy alyp tastady. Sebebı Qazaqstan eldıŋ oŋtüstıgındegı joǧary patogendı qūs tūmauy boiynşa epizooptikalyq ahualdyŋ tūraqtanǧany turaly «Veterinariia jönındegı ūlttyq referenttık ortalyqta» jürgızılgen zerthanalyq zertteulerdıŋ nätijesın qyrǧyzdarǧa jıberdı. Mūndai sauda soǧystary Qazaqstan men Reseidıŋ arasynda da aragıdık bolyp tūrady. Bır joly Qazaqstan ekı reseilık käsıporynnyŋ qūs etın eksporttauyna, sondai-aq tırı qūstardy jäne qūstyŋ jemderın äkeluge tyiym saldy. Oǧan Rostov oblysyndaǧy «Aq qūs-Rostov» qūs fabrikasynda qūs tūmauynyŋ jappai örşuı sebep bolǧan. Qyrküiek aiynda «Rosselhoznadzor» qazaqstandyq şprottardy importtaudy toqtatty jäne taǧy tört käsıporynnyŋ önımderın qauıptı dep tanydy. 1 qazanda reseilık qūzyrly mekeme Qazaqstannan äkelınetın barlyq mal şaruaşylyǧy önımderıne şekteu qoiylatynyn habarlady. Bıraq taraptar būl merzımdı bır jylǧa şegeru jönınde mämılege keldı.
Taǧy da tūtynuşylardyŋ esıne sala keteiık, būǧan deiın 5 reseilık kompaniiaǧa qatysty uaqytşa şekteu engızılgen bolatyn.
