Auruhanaǧa josparly türde jatyp emdelu jaily ne bılemız?
Auruhanaǧa jatyp emdeludıŋ: şūǧyl jäne josparly türde dep atalatyn ekı
türı bar. Ömırıne qauıp töngen jaǧdaida auruhanaǧa şūǧyl jetkızılgen
azamattardyŋ tegın emdeletını tüsınıktı. Ol memleket kepıldık bergen tegın
medisinalyq kömek paketı şeŋberınde qarjylandyrylady. Al, josparly
türde em qabyldau degenımız ne? Joldamany qalai aluǧa bolady?
«Būl jerde jergılıktı emhanalar maŋyzdy röl atqarady. Josparly em
qabyldau üşın azamattar tırkelgen emhanasyna baruy tiıs. Medisinalyq
kömektıŋ būl türı sozylmaly aurularmen auyratyn pasientterge
körsetıledı. Uchaskelık därıger sızdı qarap, analiz tapsyruǧa joldama beredı.
Būl pasienttı auruhanaǧa jatqyzu qajettıgın rastau üşın qajet. Tekseruden
ötkennen keiın därıgerıŋız sızge joldama jazyp beredı», – deidı «Äleumettık
medisinalyq saqtandyru qory» KEAQ basqaruşy direktory Zabira
Orazalieva.
Aituynşa, jatyp emdeletın auruhanany da uchaskelık mamannyŋ kömegımen
taŋdauǧa bolady. Osydan keiın joldama «Auruhanaǧa jatqyzu biurosyna»
tırkeledı. Biuro asienttıŋ aurahanaǧa qai künı jatqyzylatynyn köbıne
avtomatty türde anyqtaidy. Al, onkologiialyq, psihiatriialyq,
narkologiialyq dispanserler, terı-venerologiialyq jäne jūqpaly aurular
auruhanasy syndy mamandandyrylǧan klinikalarǧa jatu üşın stasinar
qyzmetkerınıŋ kömegı qajet.
Ärı qarai ne ısteu kerek?
Pasienttıŋ qolyna talon berıledı. Talondaǧy bıregei kodty engızıp, kezektı
https://bg.eisz.kz/ saity arqyly baqylap otyruǧa bolady. Kezek kelgenge
deiın därıgerdıŋ bergen barlyq nūsqaularyn oryndap, mūqiiat daiyndalu
qajet. Stasionarda emdeluge kedergı keltıretın jaǧdailar tuyndap jatsa, ol
turaly emdeuşı därıgerge erterek habarlaǧan dūrys. Auruhanaǧa jatarda:
jeke kuälıgıŋızdı, auruhanaǧa jatqyzu talonyn, joldama men
diagnostikalyq zertteulerdıŋ qorytyndysyn özıŋızben bırge ala barudy
ūmytpaŋyz. Eger basqa qaladaǧy stasionarǧa baryp emdeletın bolsaŋyz,
bilettı erterek qamdap qoiǧan dūrys. Öitkenı, Medisinalyq saqtandyru
qory jolǧa ketetın şyǧyndardy tölemeidı, deidı Zabira Orazalieva.
Qandai jaǧdaida jüie joldama beruden bas tartuy mümkın?
– Pasient qajettı tekserulerden ötpegen bolsa. Eger erterek eskertılse
stasionar pasienttı bır täulıkke deiın küte alady. Osy uaqyt ışınde tiıstı
analizderden ötıp ülgeruge tyrysyŋyz. Äitpese ötınım küşın joiady.
– Auruhanaǧa jatatyn tūsta jūqpaly aurumen auyryp qalsa. Mysaly, ötkır
respiratorlyq virustyq infeksiia jūqtyryp alǧan pasientter
qabyldanbaidy.Mūndaida aiyqqannan keiın qaita habarlasu qajet.
Stasionarda jatyp emdeluge qajettı körsetılımder bolmasa.
Eger qūjattardy räsımdeu barysynda josparly emge jatqyzudan bas tartsa
Qordyŋ Halyqpen jūmys jönındegı departamentınıŋ kömegıne jügınuge
bolady. Telefony: 8 (7172) 647 023, 8 (7172) 647 066
Elektrondy poşta: vopros@fms.kz nemese MSQ saityndaǧy «Halyqtyq
baqylau» bölımıne hat jazyŋyz.