Bügınde elımızdegı avtoöndırıs salasy otandyq önerkäsıptıŋ köşbasynda keledı. On jyldan asa uaqyt ışınde būl sala himiia önerkäsıbı, kömır öndırısımen iyq teŋestırdı. Jaqynda otandyq öndırısşıler «QazAvtoProm» Qazaqstan avtomobil salasy käsıporyndary odaǧyn» qūrǧanyn mälımdedı. Zaŋdy tūlǧalar bırlestıgı öz jūmysyn 23 qaraşadan resmi türde bastady.
Būl odaqty qūru jönındegı bastamany osy salada jūmys jasap jatqan käsıporyndar kötergen bolatyn. Avtoöndırısşılerdıŋ müddesın halyqaralyq ūiymdarda tanystyra alatyn odaqtyŋ bolmauy köptegen kedergıler tuyndatqan edı. Būl mäsele tübegeilı şeşımın tapty. Odaqtyŋ qūryltaişylary retınde «SemAZ», «Deu Bas Qazaqstan», «AZİIа AVTO», «BİPEK AVTO Qazaqstan» siiaqty ırgelı käsıporyndar tırkelıp otyr. Osyndai zaŋdy bırlestıktıŋ qūryluy – salada tiımdı normativtık bazany qalyptastyruǧa, investisiialyq qolaily jaǧdai jasauǧa, avtoönıdırıste tabysty jūmys jasap jatqan on şaqty eldıŋ küşterın şoǧyrlandyryp, tyǧyz-qarym-qatynasta jūmys ısteuge mümkındık bermek.
«QazAvtoProm» Qazaqstan avtomobil salasyndaǧy käsıporyndar odaǧy» endıgı jerde «Maşina jasau» odaǧymen, Qazaqstannyŋ ūlttyq käsıpkerler palatasymen jäne basqa da memlekettık vedomstvolarmen bırlesıp, köptegen jobalardy jüzege asyrudy josparlap otyr.
Meŋdolla NŪRYMŪLY
