Eldıŋ bäsekege qabılet deŋgeiın ölşeudıŋ qūraly – sport. Al sport būqaralyq sipat alǧanda ǧana damidy. Elordany käsıpkerler nemese jastar qalasy dep jatady. Sportşylar qalasy boluy üşın ne ısteu kerek? Būl sūraqqa qalalyq mäslihat deputattary jauap ızdep, Astanadaǧy sport nysandaryna arnaiy bardy.
Astanada 25 aula kluby būqaralyq sporttyŋ damuyna üles qosuda. Onyŋ 9-y Astana qalasy äkımdıgınıŋ kommunaldyq menşıgındegı üi-jailarda bolsa, 16 aula kluby jekemenşıktegı üi-jailarda ornalasqan. Alaida aula klubtary talapqa sai bolmai tūr. Mıne, deputattar bırınşı osyǧan män berıp, Ahmet Jūbanov köşesı №10 üiındegı «Astana» jäne «Bäiterek» sport klubynyŋ esıgın aşty. Būl nysan talapqa sai emes eken. Standart boiynşa kün säulesı erkın tüsetın, töbesı biık, auasy keŋ boluy kerek. Jertölede ornalasqan nysanda mūndai talap-mındet qaidan saqtalsyn?!
Halyq qalaulylary osyny körıp aŋ-taŋ bolyp, elordada osyndai sport nysanynyŋ bolǧany ūiat ekenın alǧa tartty. Ärı aldaǧy mäslihat sessiiasynyŋ kün tärtıbıne qoiyp, audan äkımı jäne jauapty sala basşysyn şaqyryp, mäselenıŋ şeşu jolyn qarastyru maŋyzdy ekenın aitty.
Odan keiın deputattar Amanat köşesı, №3 üidegı «Jas talap» jastar densaulyǧy ortalyǧyna toqtady. №6 qalalyq emhananyŋ bazasynda ornalasqan ortalyqtyŋ qyzmetı ämbebap. Onda jasöspırımder men jastar medisinalyq-psihoäleumettık jäne medisinalyq-äleumettık kömek alady. Iаǧni jastardyŋ densaulyǧyn nyǧaituǧa jäne äleumettenuıne qolaily jaǧdai qamtamasyz etedı. Ortalyq konsultativtık, qūqyqtyq, medisinalyq jäne psihologiialyq kömek körsetumen, jynystyq jolmen berıletın aurudyŋ aldyn alumen, reproduktivtı densaulyq saqtau jäne jas ūrpaqtyŋ jauapsyz mınez-qūlqynyŋ qaupı turaly aqparattandyrumen ainalysady.
Üşınşı nysan «Arqa alan» ūlttyq sport türlerın damytu ortalyǧy boldy. Zamanaui sport nysanynda jas sportşylar qazaq küresı, asyq atu, şahmat jäne toǧyzqūmalaq boiynşa qabıletın şyŋdaidy. Deputattar ortalyqtyŋ qyzmetı qala tūrǧyndaryna qoljetımdı me, osy jaǧyn sūrady. Belgılı bolǧandai, «Arqa alan» tegın qyzmet körsetedı eken.
Ekı jyl būryn Astana qalasyndaǧy Qabanbai batyr daŋǧyly, 58B üide «Jastarǧa qyzmet körsetu ortalyǧy» aşylǧan edı. Būl ortalyq jastarǧa käsıptık baǧdar berıp, jūmysqa ornalasuǧa, türlı memlekettık baǧdarlamaǧa qatysuǧa kömek körsetedı. Ortalyq qyzmetı jastar üşın tegın.
Halyq qalaulylary ortalyq qyzmetıne jaqsy baǧa berdı. Tek jastar arasynda aqparattandyrudy küşeitudı tapsyrdy.
Qalalyq mäslihat deputattary būqaralyq sporttyŋ damuyna maŋyz berıp, jastar bos uaqytyn tiımdı ötkızudıŋ tetıgın qarastyruy – qūptarlyq jaǧdai. Degenmen qala maŋyndaǧy Köktal-2, Öndırıs, Ürker, Temırjolşylar tūrǧyn alabyndaǧy dene şynyqtyru keşenderı qandai deŋgeide? Saryarqa, Baiqoŋyr, Esıl, Almaty, Nūra audanynda tūratyn tūrǧyndardyŋ būqaralyq sportpen şūǧyldanuǧa sport nysandary jetkılıktı me? Jasöspırımder ǧana emes, qala tūrǧyndarynyŋ sportpen şūǧyldanuyna jaǧdai jasalǧan ba? Būl sūraqtardy da zertteu maŋyzdy dep bılemız.
