Öskeleŋ ūrpaqtyŋ äleumettik jaǧdaiyn arttyryp, eline laiyqty azamat etip qalyptastyru – memleketimizdiŋ jastar saiasatynyŋ alǧa qoiǧan basty basymdyǧynyŋ biri. Osy maqsatta elordada jastar men jasöspırımderdıŋ jan-jaqty damuyna jäne uaqytyn tiımdı ötkızuıne septıgın tigızetın aula klubtary qūryldy. Bügınde mūnda 3500 bala tärbielenıp jatyr.
Qazırgı uaqytta qalalyq Jastar saiasaty mäselelerı basqarmasyna qarasty «Astana jastary» jastar resurstyq ortalyǧynyŋ jetekşılıgımen qala aumaǧynda 20 aula kluby jūmys ısteidı. Aula klubtarynyŋ negızgı qyzmetı jasöspırımderdı būqaralyq sport, şyǧarmaşylyq üiırmelerge tartuǧa jäne ömırlık qajettı daǧdylarǧa üiretu arqyly halyqtyŋ äleumettık osal toptarynan şyqqan jastardyŋ ömır süru sapasyn arttyruǧa baǧyttalady. Üiırmeler men aula klubtarynyŋ seksiialaryna qatysu tegın negızde jürgızıledı. Elordanyŋ 5 audany boiynşa olarǧa 3500-ge juyq tärbielenuşı qatysady. Onyŋ ışınde Almaty audanynda – 6 («Qyran», «Temırlan», «Jas qanat», «Tahtay», «Miras», «Armandastar-2»), Baiqoŋyr audanynda – 5 («Bäiterek», «Astana», «Bereke», «Bereke-sport», «Şymyr»), Saryarqa audanynda – 5 («Jas barys», «Dinamo», «ProFit», «Batyr», «Dükenūly»), Esıl audanynda – 2 («Interpro» jäne «Aqjol») jäne Nūra audanynda – 1 («Ürker»). Jasöspırımder barlyǧy 130 üiırme men seksiiaǧa qatysa alady. Olardyŋ qatarynda boks, karate, türlı bi üiırmesı, suret salu, qolöner, toǧyzqūmalaq, baǧdarlamalau, tılderge oqytu, erkın küres, muzykalyq aspaptarǧa üiretu, asüige baulu syndy 76 sport seksiiasy jäne 54 şyǧarmaşylyq üiırme bar. Nūra audanynyŋ «Ürker» aula klubynda zeinetkerlerge de arnaiy saǧat bölınedı. Iаǧni būl uaqytta olar nemerelerımen bırge kelıp, bos uaqytyn tiımdı ötkıze alady.
«Aula klubtary» äleumettık jobasy elordada soŋǧy 8 jyl boiy tūraqty negızde jüzege asyp keledı. Būl turaly «Astana jastary» JRO aula klubtaryn damytu bölımınıŋ mamany Jangül Qambar aityp berdı.
– Aula klubtarynyŋ qyzmetı jastar men jasöspırımder arasyndaǧy qylmysty azaituǧa, balalardyŋ densaulyǧyn jaqsartuǧa jäne olardyŋ uaqytyn paidaly ötkızuge tıkelei äser etedı, sondai-aq patriotizmnıŋ damuyna yqpal etedı. Jyl saiyn öteusız negızde aula klubtarynda halyqtyŋ äleumettık osal toptarynan, äleumettık az qamtylǧan otbasylardan şyqqan jüzdegen bala tärbielenedı. Sondai-aq qalalyq Işkı ıster departamentınıŋ iuvenaldy polisiia bölımşesınde esepte tūrǧan kämeletke tolmaǧandar aula klubtaryna barady. Qazırgı taŋda balanyŋ qyzyǧuşylyǧyna septıgın tigızıp, ikemıne qarai jaŋa qyrynan tanyluyna, ömırlık jolyn anyqtauda aula klubtarynyŋ maŋyzy zor. Būl jastar men jasöspırımderdıŋ bolaşaqta jan-jaqty, bılımdı, mädeniettı, eŋ bastysy köregendı ärı tärbielı bop qalyptasuyna oŋ yqpalyn tigızedı. Sebebı aula klubtaryna qatysqan balalardyŋ basym bölıgı jan-jaqty damyp qana qoimai, ruhani dem alady jäne qoǧamdyq şaralarǧa öz ülesın qosyp keledı, – dedı maman.
Tärbielenuşıler özıne ūnaityn üiırmege qatysyp, odan bölek, osy baǧytta türlı jarystan baq synai alady. Mäselen, elorda aula klubtarynyŋ qatysuşylary – bügınde Bolgariia, Armeniia, Qyrǧyzstan, Özbekstan, Resei, İtaliiada jäne elımızde ötken bırqatar jarystyŋ jüldegerı. Mūndai saiystar keiın jasöspırımder üşın oquǧa tüsu barysynda ne portfolio jinauda septıgın tigızedı. Būl baǧytta jas sportşylardyŋ qyzyǧuşylyǧyn arttyryp, salauatty ömır saltyn nasihattauda «Astana jastary» jastar resurstyq ortalyǧy öz tarapynan aula klubtarynyŋ tärbielenuşılerı üşın käsıbi sportşylardy şaqyrtyp, şeberlık saǧattary men kezdesulerdı ūiymdastyrady. Osylaişa, qala jastary üşın aula klubtary köpfunksionaldy mädeni-sporttyq ortalyq qyzmetın de atqarady.
Aula klubynda tärbielenıp, şeteldegı jarystarda közge tüsıp jürgen balalardyŋ qatarynda Izdäş Aizere bar. «Temırlan» aula klubynyŋ oquşysy jaqynda Türkiianyŋ Alaniia qalasynda 64 şarşyly doibydan älem chempionatyna qatysyp, 3-oryn ielendı.
– Būl jarysqa älemnıŋ 14 memleketınıŋ 200-ge juyq sportşysy qatysty. Men öz aula klubymnyŋ atynan osy saiysta jüldelı oryn alǧanyma quanyştymyn. «Temırlan» ortalyǧyna tegın qatysyp jürgenıme bıraz uaqyt boldy. Klubtaǧy jattyqtyruşylar jarystar men olimpiadalarǧa qatystyru arqyly qabılemdı şyŋdai tüstı. Doibydan «sport şeberıne kandidat» därejesın aluyma da yqpal ettı. Menıŋ qatarlastarym da türlı seksiia boiynşa jaqsy nätije körsetude. Osy tūsta aula klubtarynyŋ jasöspırımderge berer paidasyn aitqym keledı. Bız mūnda jaŋa orta tauyp, bır-bırımızben aralasyp, sabaqtan keiın ne kanikul uaqytynda baruǧa asyǧamyz, – dedı oquşy.
Tegın üiırmege nemese seksiiaǧa jazylu üşın balanyŋ tuu turaly kuäligınıŋ köşırmesı, ata-anasynyŋ jeke basyn kuälandyratyn qūjaty, balanyŋ densaulyq jaǧdaiyn rastaityn medisina qūjaty jäne 3h4 suret tapsyryluy qajet. Aula klubtary boiynşa tolyq aqparatty @ast_aula.clubs Instagram paraqşasynan bıluge bolady.
«Äl-auqaty tömen otbasy balalary üşin aula klubtary – ülken kömek. Olardyŋ bos uaqyty tiimdi ūiymdastyrylyp, qatysam deuşıler bırneşe üiırmege qatar jazyla alady. Aula klubtarynyŋ taǧy bir erekşeligi – balalar tūrǧylyqty jerinen alysqa barmaidy. Özi ösken jerinde qoǧamnyŋ bir bölşegindei öziniŋ qajettigin tüsinedi. Aula klubtarynyŋ aşyluynyŋ da, körsetilip jatqan qamqorlyqtyŋ tüpki mäni de osynda jatyr» dedı J.Qambar.
Jasöspırımderdıŋ qyzyǧuşylyǧyna, ikemine qarai jaŋa qyry aşylyp, ömirlik jolyn anyqtauǧa da aula klubtary septigin tigizedi. Öz ortasynda jürgen balanyŋ jauapkerşiligi de artady. Olardyŋ tūlǧa retinde qalyptasuyna, mektepten bölek, öz dostarynyŋ yqpaly küşti. Būl orta – köşeniŋ qaltarysynda ne iesiz quysta emes, aula klubtarynda örken jaimaǧy qūptarlyq. Mūndai ortada ösken balanyŋ tärbiesi men bolaşaǧyna senimimiz mol. Jasöspirimniŋ mädeni-ruhani qajettiligin öteitin aula klubtarynyŋ osy tūrǧyda da ülesi mol. Onyŋ jūmysyna barlyǧy qamtylady, bärine de qoljetimdi. Jyl ötken saiyn baǧdary da aiqyndalyp, dästüri qalyptaspaq.
