Elordany künnıŋ kürt suytyp, sarşūnaq aiazdyŋ buǧanyna bırneşe kün boldy. Bet qaratpas suyqtyŋ saldarynan mektep oquşylarynyŋ, qala berdı kolledjdıŋ 1-2 kurs studentterıne sabaq bolmady. Bız osy oraida qala kommunaldy qyzmetı men tūrǧyndardyŋ tabiǧattyŋ tosyn mınezımen küresı jaiyna toqtaludy jön körıp otyrmyz.
-40-45 gradustai sezıldı
Jaqynda «Qazgidromet» Reseidıŋ Taimyr jerınen Sıbırge qarai jyljityn suyq antisiklonnyŋ äserı Qazaqstannyŋ bırneşe oblysyna tietının habarlaǧan bolatyn. Sonyŋ saldarynan aiaz küşıne mınetının aityp, aldyn ala eskertu jariialady. «Elımızdıŋ soltüstık, ortalyq jäne şyǧys oblystarynda tüngı temperatura -32…37°S deiın tömendese, kei jerlerde aiaz -40°S deiın küşeiedı. Tıptı Qazaqstannyŋ oŋtüstık-şyǧysynda da suytady, kei jerlerde 25…30° deiın aiaz kütıledı» delıngen habarlamada.
Al 25-26 jeltoqsan künderı tünde temperatura 33-35 gradusqa, al Aqmola oblysynda 32-37 gradusqa deiın tömendedı. Sol siiaqty 27 jeltoqsan künı de temperatura -30-dan tömendeitını aityldy. Arqa törınde sarşūnaq aiazben jeldıŋ qabattasyp kelerı üirenşıktı jaǧdai. Osynyŋ saldarynan būl künderı synap baǧanasy -35-tı körsetkenmen, syrttaǧy temperatura -45-50 gradustai sezıldı. Sondai-aq aimaqtyŋ kei tūstarynda tünde tūman tüstı.
Avtobustar kıdırıp, poiyz keşıktı
Qatty aiazdyŋ äserınen 24 jeltoqsan künı elorda ırgesındegı Qaraötkel, Qosşy, Lesnaia poliana sekıldı 27 eldı mekenge qatynaityn avtobustar müldem toqtap qalǧan bolatyn. Būǧan qosa, qalalyq tötenşe jaǧdailar departamentı qauıpsızdık maqsatynda joldardy jauyp tastap, qatynas tolyǧymen üzılgen.
«Avtobus kütkenıme bır saǧat boldy, bıraq älı kelmedı. Jūmystan şyǧyp, Qosşydaǧy üiıme baruym kerek. Endı üiıme qaitudyŋ retın tappai otyrmyn. Bügın qaladaǧy tuysqandaryma baratyn siiaqtymyn» deidı Rauan esımdı azamat.
Bır quanarlyǧy, Express avtobustar köp küttırmedı, 25 jeltoqsan künı «Astana LRT» kompaniiasy: «Qūrmettı elorda tūrǧyndary men qala qonaqtary! Qala maŋyna qatynaityn №302, 303, 304, 306, 307 qoǧamdyq kölık baǧdarlarynyŋ qozǧalysy qaita ıske qosyldy» degen aqparat taratty.
Sol künı «Ridder-Astana» poiyzy tört saǧatqa keşıktırıldı. «Jolauşylar tasymaly» AQ onyŋ sebebın aua raiynyŋ qolaisyzdyǧymen bailanystyrdy. Osy tört saǧat boiy jolauşylardyŋ jaǧdaiy jıtı nazarda bolyp, vagon ışınıŋ temperaturasy bırqalypty bolǧan.
Jylynatyn kölıkter
Elımızde jyly aialdamalar alǧaş ret Astanada aşylǧan. Alaida barlyq tūsy qamtamasyz etılmegen bolatyn. Däl osy künderı qoǧamdyq kölıkterdıŋ aialdamalarynda kezekşı avtobustar qyzmet ettı. Mūnda elordalyqtar qajet marşrutyn kütıp, jylynuy üşın jaǧdai jasaldy.
«Aua raiynyŋ qolaisyzdyǧyna orai bügın 25 jeltoqsanda belgılı bır aialdama punkterınıŋ audandary kezekşı avtobustarmen jabdyqtalady. Būl – özıne qajettı baǧdardy kütetın jolauşylar toŋyp qalmas üşın qolǧa alynǧan şara» dep habarlady «Astana LRT» kompaniiasy.
Sonymen qatar qaladan Telman, Qosşy jäne Prigorodnyi eldı mekenderıne barar joldarda TJD-nıŋ arnaiy tehnikasy kezekşılık etedı. Qūtqaruşylar «Aziia park» SOO, «Saianūr 2» TK jäne Beisekova köşesı aialdamalarynan jürıp tūrdy.
Jūmys uaqyty qysqardy
Aiaz erekşe küşeigen 24-25 jeltoqsan künderı jūmys künın qysqartu mäselesı de nazardan tys qalmady. Qalalyq tötenşe jaǧdailar departamentı käsıporyndar men mekemelerdı jūmys künın qysqartuǧa şaqyrdy. Habarlamada būl aqparat qalanyŋ tırşılıkpen qamtamasyz etu ūiymdary, iaǧni ört söndıru qyzmetı, polisiia, tötenşe jaǧdailar departamentı, jedel järdem qyzmetı, kommunaldyq qyzmetterıne qatysty emes ekenı körsetıldı.
Jastar jyluyn ūsyndy
Būl künderı elordalyq jastar igılıgı mol ısten şet qalmady. Qalalyq Qoǧamdyq damu ısterı basqarmasynyŋ mälımetınşe, «Astana jastary» jastar resurstyq ortalyǧy «Jaqynyŋa jylulyq syila» aksiiasyn ötkızdı. Belsendıler adam köp jinalatyn jerlerge baryp, niet bıldırgenderge tegın ystyq şai taratty.
Şyny kerek, mūndai sauaby mol ıs özgelerdıŋ jomarttyq sezımderın oiatary anyq. Köşede kölıgı bar jūrt aiazdan toŋyp tūrǧandardy tegın jetkızıp te jatty. «Astana – meiırımdı qala» atty qaiyrymdylyq şarasy «Nūr Astana» meşıtınıŋ bastamasymen qolǧa alyndy. Endı atalǧan jobanyŋ aty jazylǧan kölıkter qys boiy tūrǧyndardy barar jerıne tegın jetkızıp tūrady.
Sonymen qatar qalalyq äkımdık taratqan mälımette döŋgelegı jarylyp jolda qalǧan jūrtqa poliseilerdıŋ kömekteskenı aityldy. Öz kezegınde tabiǧatty qorǧau qozǧalysynyŋ belsendılerı januarlar men qūstarǧa da nazar audaruǧa şaqyrdy. Osy maqsatta 1 jeltoqsan men 15 nauryz aralyǧynda qūstarǧa jem salatyn ydys jasap, uaqytynda azyqpen toltyryp tūrmaq. İgılıktı ıs özge de azamattarǧa ülgı bolsa eken.
Astanada qylyşyn süiretken qys alty aiǧa sozylǧanmen, sarşūnaq aiazdyŋ künde bola bermesı anyq. «Qazgidromet» 27-29 jeltoqsan künderı suyqtyŋ betı qaitady degen boljam jasap otyr. «Qazırgı uaqytta batys oblystarǧa jyly ärı ylǧaldy aua massalary kele bastady. Olar şyǧysqa qarai jylji otyryp, qardyŋ jauuyna sebep bolady, sondai-aq oŋtüstık-batystan küştı jel soǧyp, aua temperaturasy aqyryn joǧarylai bastaidy» dep habarlandy.
