Keşe elordada Qazaqstannyŋ H Azamattyq forumy qarsaŋynda «Täuelsızdıktıŋ 30 jyldyǧy: memleket pen azamattyq sektor arasyndaǧy tiımdı ärıptestıktıŋ nätijelerı» taqyrybynda Konsultativtık keŋestıŋ keŋeitılgen otyrysy öttı. Jiynǧa keŋes müşelerı, Nūr-Sūltan qalasy äkımdıgınıŋ jauapty qyzmetkerlerı, uäkılettı organdardyŋ ökılderı men Ükımettık emes ūiym basşylary qatysty.
Otyrysta bırınşı bolyp söz alǧan Nūr-Sūltan qalasynyŋ äkımı Altai Kölgınov ükımettık emes ūiymdardyŋ el ömırındegı maŋyzdylyǧyna toqtaldy. «Karantindık şekteulerge bailanysty osyndai jiyndar ötkızu şektelıp qaldy. Soǧan qaramastan bız barlyq sanitarlyq talaptardy saqtai otyryp, bügıngı şarany ötkızıp otyrmyz. Aldaǧy uaqytta memleket pen azamattyq sektor arasyndaǧy tiımdı serıktestıktı damytu maqsatynda Qazaqstannyŋ H Azamattyq forumyn ötkızudı josparlaudamyz. Sol forumnyŋ aldynda elordalyq ükımettık emes ūiymdardyŋ basşylarymen bas qosudy, aldaǧy josparlardy bekıtıp aludy jön sanadyq. Täuelsızdıktıŋ 30 jylynda elımızdıŋ qandai jetıstıkterge jetkenıne barşamyz kuägermız. Sonyŋ ışındegı bıregei jetıstıktıŋ bırı – elordamyzdyŋ salynuy. Jyl ötken saiyn elordadaǧy halyqtyŋ sany da artyp keledı. Astanalyqtardyŋ basym bölıgı – jastar, ısker azamattar. Sonyŋ ışınde käsıpkerlermen qatar azamattyq qoǧamdar, ükımettık emes ūiymdar da bar. Elordalyq ükımettık emes ūiymdar halyqaralyq deŋgeide jūmystar atqaryp jatyr. Būl jobaǧa Tūŋǧyş Prezidentımız-Elbasy N.Nazarbaev ta erekşe qoldau körsetıp keledı. Nūr-Sūltan qalasyndaǧy «Janūia» otbasy institutyn qoldau ortalyǧy qala tūrǧyndarynyŋ köptegen mäselelerın şeşıp keledı. Ükımettık emes ūiymdar köpbalaly, ısker analarymyz ben ardagerlerımızge de qoldau körsetude. Bır ǧana mysal, ötken jyly erıktıler äleumettık jaǧdaiy tömen 70 myŋ otbasyǧa azyq-tülık sebetın taratty» dedı Altai Kölgınov.
Elordalyq ÜEŪ basşylary jiı bas qosyp, jetken jetıstıkterımen bölısudı, özderındegı tüiındı mäselelerdı ortaǧa salyp talqylaudy dästürge ainaldyrǧan. Jiynda baiandama jasaǧan Nūr-Sūltan qalasynyŋ Qoǧamdyq keŋesınıŋ hatşysy, Belsendı ūzaq ömır süru ortalyǧynyŋ basşysy M.Erketaev memleket pen azamattyq qoǧam arasyndaǧy senımdı dialogty qalyptastyrudaǧy Qoǧamdyq keŋestıŋ rölıne toqtaldy. «Täuelsizdiktiŋ alǧaşqy jyldarynda elimizde kezeŋ-kezeŋimen jaŋa saiasi jüie, saiasi partiialar, ükimettik emes ūiymdar (ÜEŪ), täuelsiz BAQ siiaqty instituttar paida boldy. Solardyŋ işinde ükimettik emes sektor barynşa jyldam damydy. 2003 jyly ötken Azamattyq forumda Prezident Nūrsūltan Nazarbaev ÜEŪ-ny saiasi küş retinde moiyndalǧanyn, būdan bylai būl salanyŋ örken jaiuyna memleket tarapynan qoldau jasalatynyn aitty. Memleket basşysynyŋ bastamasymen azamattyq qoǧamdy qalyptastyru tūjyrymdamasy qabyldandy. Ükımettık emes ūiymdardyŋ qoǧamdaǧy röli anyqtaldy. Qazırgı kezde kez kelgen örkeniettı el zamanaui azamattyq qoǧam qūru, demokratiiany ornyqtyru, qūqyq pen bostandyqty qorǧau jolynda ükımettık emes ūiymdardyŋ qyzmetın bırınşı orynǧa qoiady» dedı M.Erketaev.
Konsultativtık keŋes otyrysynda qatysuşylar pıkır almasyp, öz oilaryn ortaǧa saldy.
