«Astana äkımı Ädılbek Jaqsybekovtıŋ töraǧalyǧymen ötken kezektı apparat jiyny barysynda elordadaǧy äleumettık-ekonomikalyq jäne qoǧamdyq-saiasi jaǧdaidy qamtamasyz etu mäselelerı talqylandy» dep habarlaidy qala äkımınıŋ baspasöz qyzmetı.
Ötken aptada Qazaqstan valiuta dälızın alyp tastau arqyly teŋge baǧamyn erkıne jıberıp, jaŋa qarjy-nesie saiasatyn jüzege asyruǧa kırıstı. Osyǧan orai, elordada negızgı azyq-tülık önımderı baǧalarynyŋ qymbattamauyn qadaǧalaityn arnauly jedel ştab qūryldy. Äkımnıŋ aituy boiynşa, tauar baǧasyna kündelıktı monitoring jürgızıp, ony jön-josyqsyz köteretın käsıpkerlerdıŋ alypsatarlyq ısterıne tosqauyl qoiu kerek.
– Men būǧan deiın respublikamyzdaǧy öŋırlerdıŋ qatysuymen auyl şaruaşylyq önımderınıŋ järmeŋkesın ötkızudı tapsyrǧanmyn. Alǧaşqy nätije de bar. Tamyzdyŋ 22-sınde bastalǧan Jambyl oblysy tauar öndıruşılerınıŋ auyl şaruaşylyq järmeŋkelerı bır ai kölemınde «Mega» sauda ortalyǧynyŋ aldynda ötedı, – dedı qala basşysy.
Onyŋ pıkırınşe, mūndai şaralar tūrǧyndar tarapynan ülken sūranysqa ie, sondyqtan, järmeŋkelerge barlyq öŋırlerdı tartyp, tauar kölemın arttyru qajet. Al, äkelınetın tauarlar baǧasy naryqtaǧy baǧalardan äldeqaida arzan boluy tiıs.
– Qazırgı jaǧdaida mūndai şaralar öte qajet, – dep atap öttı äkım.
Järmeŋke ötkızıletın aumaqtarǧa toqtala kele Ä.Jaqsybekov «Şapaǧat» bazarynyŋ osy maqsattarǧa arnalǧanyn basa aitty. Alaida, onyŋ aumaǧy köbınese basqa maqsattarǧa paidalanylady.
– Bazar alypsatarǧa toly. Tūrǧyndar ol jerge tauar öndıruşılerden arzan baǧaǧa önım satyp alu üşın barulary kerek. «Şapaǧat» bazarynda bır aptanyŋ ışınde tärtıp ornatudy tapsyramyn, – dedı äkım.
Elorda basşysy därılerdıŋ, äsırese, ömırlık maŋyzy bar preparattardyŋ baǧasy öspeuın qadaǧalau kerektıgın de atap öttı.
Jiyn barysynda Ä. Jaqsybekov elorda saiabaqtary men gülzarlarynda qala tūrǧyndarynyŋ demalysyn ūiymdastyru jūmystaryna toqtaldy. Äkımnıŋ aituynşa, astanalyqtardyŋ qatysuymen mädeni-būqaralyq şaralar köptep ötkızıle bastady. Būl baǧyttaǧy jūmystardy tūraqty türde ūiymdastyryluy kerek, alaŋdar, saiabaqtar men gülzarlar qala tūrǧyndary men turisterdıŋ süiıktı oryndaryna ainaluy qajet.
Qala basşysy ol jerde qala ömırınıŋ bır bölıgı sanalatyn köşe saudasy da damuy kerektıgın aitty.
