Nur Otan partiiasy töraǧasynyŋ bırınşı orynbasary Bauyrjan Baibek elordada Nur Otan partiiasynyŋ sailaualdy uädelerınıŋ oryndalu barysymen tanysty. Onyŋ aituynşa Elbasy, partiia köşbasşysy Nūrsūltan Nazarbaevtyŋ tapsyrmasy boiynşa partiia är oblysta, qalada jäne audanda 217 jol kartasynyŋ ıske asyryluyna jüielı baqylau jürgızude.
Memleket basşysy Qasym-Jomart Toqaev jariia etken «Özgerıster joly: Är azamatqa laiyqty ömır!» atty sailaualdy baǧdarlama aiasynda jyl basynan berı Nūr-Sūltan qalasynda 20 myŋnan astam tūraqty jūmys orny aşylyp, 7 därıgerlık ambulatoriia paidalanuǧa berıldı, 96 köşe jöndeuden öttı. Būl jūmystardyŋ basym bölıgı qala şetınde jürgızıldı.
«Filial töraǧasy, qala äkımı Altai Kölgınovpen bırge «Öndırıs» tūrǧyn alabyndaǧy №23 mekteptıŋ 600 oryndyq jaŋa korpusyn araladym. 2019 jyly el Prezidentı Qasym-Jomart Toqaev būl audanda halyq tyǧyz ornalasqandyqtan, atalǧan oqu ornyn keŋeitudı tapsyrǧan edı. Jaŋa korpustyŋ qūrylysy partiianyŋ qalalyq sailaualdy baǧdarlamasyna engızıldı. Jalpy, partiia elordada 2025 jylǧa deiın 60 myŋ orynǧa arnalǧan kemınde 50 jaŋa mektep salu mındetın qoiyp otyr. Biyldyŋ özınde 8 jaŋa mektep aşyldy, taǧy 7 nysannyŋ qūrylysy aiaqtaluda» dep jazdy B.Baibek Facebook-tegı paraqşasynda.
Sondai-aq Bauyrjan Baibek «Öndırıs» tūrǧyn alabyndaǧy dene şynyqtyru-sauyqtyru keşenıne bardy. Jyl soŋyna qarai mūnda kündelıktı 500-den astam adam sambo, kikboksing, pauerlifting jäne basqa da sport türlerımen ainalysa alady. Jalpy, partiianyŋ uädelerıne säikes, osy jyldyŋ özınde öŋırlerde 127 myŋnan astam seksiia aşylyp, 22 myŋnan astam balalar üiırmesınıŋ jūmysy qaita jandandy.
Sodan keiın partiia töraǧasynyŋ bırınşı orynbasary astanadaǧy JEO-2-nı gazǧa köşıru jūmystarynyŋ barysymen tanysty. «Elbasy Nur Otan Saiasi keŋesınıŋ otyrysynda aitqandai, ekologiia mäselelerı elımız ben bileuşı partiia üşın negızgı basymdyqtardyŋ bırıne ainaluy tiıs. Bügınde nysan 95 paiyzǧa aiaqtaldy. Gazdandyru nätijesınde azot jäne kömırtegı totyqtarynyŋ, parniktık gazdardyŋ qaldyqtary aitarlyqtai azaiyp, kömır külınıŋ şyǧaryndylary tolyǧymen joiylady. Elbasynyŋ öŋırlerdı gazdandyru jönındegı «Saryarqa» jobasy aiasynda jyl basynan berı qalada 10 myŋnan astam üige gazben jabdyqtau jelılerıne qoljetımdılık qamtamasyz etıldı» dedı ol.
Sol künı Bauyrjan Baibek qalalyq partiia aktivımen bırge elorda boiynşa sailaualdy baǧdarlamanyŋ ıske asyrylu barysyn talqylady.
