«Mediker» kompaniiasy elımızdıŋ densaulyq saqtau salasynda jemıstı qyzmet körsetıp jürgen ūiymdardyŋ bırı sanalady. Keşe aituly kompaniia basşylyǧy EKSPO-2017 halyqaralyq körmesıne arnalǧan «Ömır energiiasy «Medikermen» bırge» atty şyǧarmaşylyq baiqaudyŋ jüldegerlerın marapattady.
Qazaqstan Jurnalister odaǧynyŋ qoldauymen ötkızılgen baiqaudyŋ jeŋımpazy bolyp köp jyldar boiy salauatty ömır saltyn nasihattap kele jatqan «Astana aqşamy» gazetı bas redaktorynyŋ orynbasary Ǧalym Qojabekov tanyldy. Ekınşı jüldelı orynnan «Vecherniaia Astana» gazetınıŋ tılşısı Evgeniia Semaşkina körınse, üşınşı orynǧa da astanalyq gazettıŋ tılşısı Serık Joldasbai ie boldy. Jüldegerlerge kompaniia qūramyndaǧy «Meiırım» köpsalaly medisinalyq ortalyqtyŋ qarjylai sertifikaty tabystaldy. Sondai-aq bügınde EKSPO-2017 halyqaralyq körmesıne serıktes bolyp otyrǧan «Mediker» kompaniiasy basqarma basşysynyŋ mındetın atqaruşy Aigül Segızbaevanyŋ atynan bırqatar jurnalister men blogerlerge de arnaiy syilyqtar berıldı. Baiqauǧa qatysuşylardy Qazaqstan Jurnalister odaǧynyŋ Astana qalalyq filialynyŋ töraǧasy Maǧjan Sadyhanov qūttyqtap, kompaniia qyzmetıne tabys, ärıptesterıne şyǧarmaşylyq şabyt tıledı.
