Ötken jyly Astana qalasynyŋ Baiqoŋyr audanynda 55 aula abattandyryldy, onyŋ 15-ı «Halyq qatysatyn biudjet» jobasy aiasynda jürgızıldı. Būl turaly Astana qalasynyŋ kommunikasiialar qyzmetı alaŋynda ötken baspasöz mäslihaty barysynda Baiqoŋyr audanynyŋ äkımı Erlan Jaulybaev mälımdedı. Osydan bes jyl būryn qūrylǧan audannyŋ 2022 jylǧy äleumettık-ekonomikalyq damuynyŋ qorytyndylary turaly aita kele, audan basşysy aldaǧy josparlarymen bölıstı.
Audan aulalary abattandyryluda
– Baiqoŋyr audanynyŋ jalpy audany 18 129 ga qūraidy. Tūrǧyndar sany – 233 375 adam. Audan aumaǧynda «Öndırıs», «Kirpichnyi», «Kazgorodok» tūrǧyn alaptary jäne 12 saiajai qauymdastyǧynan tūratyn «Qoiandy» saiajai alaby ornalasqan, – dedı Erlan Jaulybaev.
Ötken jyly audan aumaǧynda 7 qoǧamdyq oryn jabdyqtaldy, onyŋ 4-ın audan äkımdıgı ötkızdı. Būl – Baraev köşesınde, Aqbūlaq özenınıŋ jaǧasynda jäne Esıl özenınıŋ jaǧasynda, sondai-aq Şäken Aimanov köşesındegı Atatürık atyndaǧy saiabaqta ornalasqan keŋıstıkter. Qorşaǧan ortany qorǧau basqarmasy arqyly Puşkin köşesındegı 8-üidıŋ, Abai daŋǧylyndaǧy 57/1-üidıŋ jäne İmanov köşesındegı 32-üidıŋ janyndaǧy qoǧamdyq keŋıstıkter retke keltırıldı. 13 futbol alaŋy, 3 basketbol alaŋdary, 1 hokkei korty, 304 köşe trenajerlerı, 600 şaǧyn säulet nysandary, 70 jaryqtandyru baǧanasy, 30 000 m2 tösenış jabyny,
45 000 m2 asfaltbeton jabyny jailastyryldy.
– Aǧymdaǧy jyly audan aumaǧyndaǧy taǧy 8 qoǧamdyq keŋıstıktı abattandyru josparlanyp otyr. Onyŋ ışınde bes nysan, atap aitsaq, «Belasar» köpırınıŋ astyndaǧy keŋıstık – Täuelsızdık daŋǧylynan Amman köşesıne deiıngı aralyq, «Egemen Qazaqstan» gazetı men Beisekbaev köşelerınıŋ arasynda – Kenesary köşesı, Kenesary köşesınen Abai daŋǧylyna deiın jäne Kenesary köşesı, 73 mekenjaiyna deiın – «Egemen Qazaqstan» gazetı köşesı audandyq äkımdık arqyly abattandyrylady. Al Qorşaǧan ortany qorǧau basqarmasy arqyly Taha Husein men Täşenev köşelerınıŋ qiylysynda, sondai-aq Abai, 99 boiynda jäne «Jastar» saraiynyŋ aldynda ornalasqan keŋıstık qaita jabdyqtalady, – dedı audan basşysy.
Audandaǧy aulalardyŋ jalpy sany – 239. Olardyŋ 180-ı nemese 75 paiyzy abattandyrylǧan. Sonyŋ ışınde 2022 jyly 55 aula abattandyryldy, onyŋ 15-ı «Halyq qatysatyn biudjet» jobasy aiasynda jürgızıldı. Biyl taǧy 8 qoǧamdyq keŋıstık salynady. Sonymen bırge 2023 jyly 25 aulany, onyŋ ışınde «Halyq qatysatyn biudjet» jobasy aiasynda 15 aulany abattandyru josparlanuda.
Jaryqtandyru jūmystary jalǧasady
Audan boiynşa kündelıktı kölık jäne jaiau jürgınşıler qozǧalysynyŋ qauıpsızdıgın qamtamasyz etu üşın köşeler men aula aumaqtaryn jaryqtandyru jūmystary jürgızılude. Eskırgen jaryq şamdary aiyrbastalyp, zamanaui diodty şamdar ornatylsa, elektr energiiasyn tiımdı paidalanu jäne ünemdeu üşın energiia ünemdeitın jaryqdiodty şamdar da ornatyluda.
Jaryqtandyru aspaptaryn ornatu boiynşa jūmystar audannyŋ barlyq köşelerınde jürgızıldı.
– 2022 jyly audan aumaǧynda 216 köşe boiynşa 131 jaiau jürgınşıler ötkelınde elektr jelısı auystyryldy. Jaryqtandyru aspaptaryn ornatu boiynşa jūmystar audannyŋ barlyq köşelerınde, sondai-aq 446 köppäterlı tūrǧyn üidıŋ kıreberısterınde, balalar alaŋdarynda jürgızıldı, oramışılık kıreberıster men ötpeler jaryqtandyryldy, jaryqtar sany – 1251 dana, – dedı E.Jaulybaev.
Biyl Baiqoŋyr audanyndaǧy Alaş tas joly, äl-Farabi daŋǧyly men Puşkin köşesınde ūzyndyǧy 18,81 şaqyrym kabeldık jelılerdı auystyru közdelıp otyr. Sonymen bırge Uälihanov, İmanov, Puşkin, Kenesary, Jaŋajol köşelerındegı uaqytşa äue kabeldık jelılerın auystyru, jūmys ıstep tūrǧan 13 keşendı transformatorlyq qosalqy stansiialardy qaita jaŋartu jūmystaryn jürgızu josparlanuda.
– Bügıngı taŋda audan tūrǧyndarynyŋ tılegımen A.Sembinov, 9/1, Kenesary, 70, A.Baraev, 10/4, Kravsova 5/2, T.Husein, 3, S.Rahymov, 22, Köktomar, 18, İgılık, 4 mekenjailarynda jaryqtandyru jūmystary jürgızıldı, – dedı audan äkımı.
Köşeler körıktendırılude
Jol jäne kölık infraqūrylym boiynşa audan aumaǧyndaǧy köşeler sany – 216. Bügıngı taŋda jalpy ūzyndyǧy 194 şaqyrymdy qūraityn 177 köşe asfalttalǧan. 39 köşede nemese 32 şaqyrym aumaqta asfalt joq. Ötken jyly joldardyŋ 6,5 şaqyrymynda ortaşa jöndeu jürgızılıp, 34 uchaskege frezerlık material töseldı. Biyl ortaşa jöndeu 18 köşede nemese 14 şaqyrymda jürgızılmek.
2022 jyly 11 köşe, ūzyndyǧy 6,426 km joldar ortaşa jöndeuden öttı. 2023 jyly ūzyndyǧy 11,7 km qūraityn 11 köşe jöndeledı.
Atalmyş audanǧa 53 avtobus baǧdary qatynaidy. Onyŋ ışınde «Öndırıs» tūrǧyn alabyna 24, 24A, 30 avtobustary jäne 1, 1A, 6, 11 avtobustary «Kirpichnyi» tūrǧyn alabyna barady.
Baiqoŋyr audanynda 211 aialdama nüktesı bar. Sonyŋ ışınde 147-sı – vandaldyqqa qarsy tipte, 28-ı – jyly aialdama. Al 22 nüktede aialdama joq. Byltyr 8 jyly, 3 vandaldyqqa qarsy pavilon ornatyldy. Biyl 10 jyly, 8 vandaldyqqa qarsy aialdama ornatu josparlanyp otyr.
Ainalany kögaldandyru – sauapty ıs
Kögaldandyru boiynşa ötken jyly bıraz jūmystar jürgızıldı. Mäselen, ötken jyly audan aumaǧyna 2 myŋǧa juyq aǧaş pen 10 myŋnan astam köpjyldyq būta otyrǧyzyldy. Biyl taǧy 10 myŋnan asa būta men 3 myŋ aǧaş otyrǧyzylmaq.
– Aǧymdaǧy jyly audan aumaǧynda 3 myŋnan astam aǧaş, 10 myŋ būta jäne basqa da tal-terekter otyrǧyzu josparlanuda. Ötken jyly jergılıktı suaru jüiesın ornatuǧa erekşe köŋıl böldık. Biyl būl jūmys jalǧasady. Äsırese, Jambyl Jabaev skverı men Aqbūlaq özenı boiynda, Täuelsızdık daŋǧylynan bastap Şäkärım Qūdaiberdıūly köşesıne deiıngı aralyqty osy jüiemen qamtimyz. Sondai-aq Atatürık, Kravsov köşesı, 2-4, Täşenev köşesı men «Egemen Qazaqstan» gazetınıŋ maŋyndaǧy skverlerde, Puşkin köşesı, 15 üidıŋ aulasynda jöndeu-qalpyna keltıru jūmystaryn jürgızudı josparlap otyrmyz, – dedı E.Jaulybaev.
Audandaǧy 38 köşede ūzyndyǧy 63,3 şaqyrymdyq nöser kärızı jüiesı bar. Būǧan qosa, 58 köşe aryq jüiesıne qosylǧan. Onyŋ ūzyndyǧy 18,4 şaqyrymdy qūraidy.
– Sabyr Rahimov, Şara Jienqūlova, Taha Husein, Şäken Aimanov syndy ülken köşelerde nöser kärızı jüiesı joq. Būl aumaqtardy jaŋbyr jauǧanda, qar erıgende erekşe baqylauda ūstap otyramyz. Ötken jyly su tasqyny kezınde üilerdı su basu qaupı bolǧan joq. Sebebı 2022 jyly 2 423 metr aryq ornattyq. Biyl taǧy 2 myŋ metr aumaqta aryq ornatylady, – dedı audan basşysy.
Baiqoŋyr audanynda 21 merdıger ūiym ainalany sanitarlyq tazartumen ainalysady. Olar 16 mln şarşy metr aumaqty alyp jatqan köşelerdı tazalaidy.
– Jalpy daŋǧyldardy, köşelerdı, qysqa köşelerdı, oramışılık joldardy qosqanda aumaqtyŋ ūzyndyǧy 310 şaqyrymǧa juyqtaidy. Būl jūmystarǧa jūmyldyrylatyn audandaǧy arnaiy tehnika sany – 257 bırlık. Jol jūmysşylarynyŋ sany – 403 adam. Şūŋqyrlar sany – 48 bırlık. QTQ jinauǧa arnalǧan nükteler sany – 599 bırlık. Qoqys konteinerlerınıŋ sany 2399 bırlıktı qūraidy, – dedı audan äkımı.
2022-2023 jyldardaǧy qysqy kezeŋde audan aumaǧynan 114 900 tekşe metr qar şyǧaryldy.
2021-2022 jyldar aralyǧynda audanda 17 köşede jalpy ūzyndyǧy 5 myŋ 500 m aryq-naua jelılerı jabdyqtaldy, sondai-aq aryq-naua jelısın tazartu boiynşa jūmystar uaqtyly jürgızılude, 14 000-nan astam aryq kentı tazartyldy.
Audan tūrǧyndaryna 9 densaulyq saqtau nysany, onyŋ ışınde audan aumaǧynda 5 nysan qyzmet körsetedı.
Baiqoŋyr audanynyŋ aumaǧynda 2 ırı mädeniet nysany jūmys ısteidı.
