Erkeǧali Rahmadiev atyndaǧy Memlekettık akademiialyq filarmoniiada Astana qalasynyŋ 25 jyldyǧy men Baiqoŋyr audanynyŋ 5 jyldyǧyna orai merekelık ıs-şara ūiymdastyryldy.
Saltanatty şaraǧa Baiqoŋyr audanynyŋ äkımı Erlan Jaulybaev, qalalyq mäslihattyŋ törǧasy Erlan Kanalimov jäne qala tūrǧyndary men qonaqtary qatysty.
Elordanyŋ eŋ jas audanynda bes jylda atqarylǧan şarua az emes. Tūrǧyndar sany da kün sanap ösıp keledı. Olardy jaryqpen, sumen, jylumen, gazben qamtamasyz etude ırkılıs joq. Äsırese, şet aimaqty damytuǧa barynşa köŋıl bölınude. İnfraqūrylymdy qalpyna keltıru jäne damytu, ekonomikalyq äleuettı arttyru, äleumettık mäselelerdı şeşu, tūrǧyndardyŋ ömır süru sapasyn jaqsartuǧa baǧyttalǧan auqymdy ısterge toqtala kele, audan äkımı aldaǧy josparlarymen bölıstı.
Merekelık ıs-şara barysynda Astana qalasy ardagerler keŋesınıŋ töraǧasy Sansyzbai Esılov audandaǧy köpbalaly bır top anaǧa «Altyn alqa» jäne «Kümıs alqa» tösbelgılerın tabystasa, Baiqoŋyr audanynyŋ bırınşı äkımı, qazırgı taŋda Astana qalasy mäslihatynyŋ töraǧasy Erlan Kanalimov audannyŋ damuyna sübelı üles qosqan belsendı azamattarǧa qala äkımınıŋ Alǧys hattaryn tapsyrdy. Sondai-aq üzdık sala mamandary Baiqoŋyr audany äkımınıŋ Alǧys hattarymen jäne estelık syilyqtarmen marapattaldy.
